عالىمدار قورىلداۋ مەن اقىلسىزدىق اراسىنداعى بايلانىستى انىقتادى

 استانا. قازاقپارات - اۆسترالياداعى كۆينسلەند ۋنيۆەرسيتەتىنىڭ عالىمدارى ۇيىقتاعان كەزدە وتتەگى جەتىسپەۋى سالدارىنان ادامداردىڭ دەمەنتسياعا شالدىعۋ قاۋپى ءۇش ەسە كوبەيەتىنىن انىقتادى.

ۇيىقتاپ جاتقان كەزدە اۋا جەتپەگەن بولسا، ميدىڭ قالىپتى جۇمىسى بۇزىلادى. نەگىزىنەن ادامنىڭ زەرەكتىگى مەن اقپاراتتى قابىلداۋىنا جاۋاپ بەرەتىن بولىگى زاقىمدانادى.

پروفەسسور ەليزابەت كوۋلسون باسقارعان عالىمدار توبى ءاپنوەنى باستاپقى كەزىندە ەمدەپ الۋ ارقىلى التسگەيمەر اۋرۋىنا شالدىعۋ ءقاۋپىن الدىن الۋعا بولاتىنىن ايتادى.

ەندى وسى عالىمدار 55-75 جاس ارالىعىنداعى ناۋقاستاردى اپنوەدەن ەمدەۋ ارقىلى، دەمەنتسيانىڭ الدىن الۋعا بولاتىن- بولمايتىندىعىن زەرتتەمەك. اپنوەگە شالدىققان ادامدار ۇيىقتاپ جاتقان كەزدە قورىلداپ، كۇندىز قالعىپ جۇرەدى. مۇنىمەن قاتار، ەستە ساقتاۋ قابىلەتى ناشارلايدى.

 

Baq.kz