وڭتۇستىك كورەياعا ك ح د ر دەلەگاتسياسىن پارلامەنت ءتوراعاسى باستاپ بارادى

استانا. قازاقپارات - وڭتۇستىك كورەيانىڭ پحيەنچحان قالاسىندا وتەتىن قىسقى وليمپيادا كەزىندە سولتۇستىك كورەيا دەلەگاتسياسىنىڭ باسشىسى مەن وڭتۇستىك كورەيا پرەزيدەنتى كەزدەسەتىن بولدى.

 بۇل تۋرالى جەرگىلىكتى اقپارات قۇرالدارى حابارلادى.

 ءبىراق جۇزدەسۋ سالتاناتتى شارا كەزىندە بولاتىندىقتان، ەكىجاقتى رەسمي كەلىسسوز وتپەيدى. ال سولتۇستىك كورەيا دەلەگاتسياسىن وسى ەل پارلامەنتىنىڭ ءتوراعاسى، مەملەكەت باسشىسى كيم چەن ىننان كەيىنگى ەكىنشى تۇلعا كيميەن نام باستاپ بارادى. ءۇش كۇندىك ساپار بارىسىندا جوعارعى وكىل وليمپيادانىڭ اشىلۋى مەن باسقا دا شارالارعا قاتىسادى.

ەسكە سالا كەتەيىك، وڭتۇستىك كورەيانىڭ پحيەنچحان قالاسىنداعى قىسقى وليمپيادا ويىندارى اقپاننىڭ 9-ى مەن 25- ءى ارالىعىندا وتەدى. بۇعان دەيىن حالىقارالىق وليمپيادا كوميتەتى سولتۇستىك كورەيا سپورتشىلارىنىڭ قاتىسۋىنا رۇقسات بەرگەن ەدى. ءبىراق ولار وڭتۇستىك كورەيا قۇراماسىمەن بىرىگىپ سايىسقا تۇسەدى.

www.24.kz