14:37, 05 - اقپان 2018 | GMT +5
الماتىنىڭ «قايرات» كلۋبىنىڭ بۇرىنعى ويىنشىسى قىتايدا وينايتىن بولدى
استانا. قازاقپارات - الماتىنىڭ «قايرات» كلۋبىنىڭ بۇرىنعى ويىنشىسى جەرار گوۋ مانسابىن قىتايدا جالعاستىراتىن بولدى، دەپ حابارلايدى Sports.kz.
كوت د'يۆۋارلىق شابۋىلشىنىڭ جاڭا كومانداسى - «بەيجيڭ ەنتەرپرايزەس» قىتايدىڭ ەكىنشى ليگاسىندا وينايدى. گوۋ بۇل كلۋبقا ەركىن اگەنت رەتىندە اۋىستى.
فورۆارد «قايرات» ساپىندا 2014-17 -جىلدارى ونەر كورسەتىپ، ءۇش دۇركىن ق ر چەمپيوناتىنىڭ ۇزدىك سۇرمەرگەنى، ق ر پرەمەر- ليگاسىنىڭ كۇمىس جۇلدەگەرى جانە قازاقستان كۋبوگىنىڭ جەڭىمپازى بولدى.
ەسكە سالا كەتەيىك، جەرار «قايراتتان» كەتەتىندىگى تۋرالى 2017 -جىلدىڭ قاراشاسىندا مالىمدەگەن بولاتىن.
