الداعى كۇندەردە اۋا تەمپەراتۋراسى قايتا تومەندەيدى

استانا. قازاقپارات - سينوپتيكتەر 6-8 -اقپانعا ارنالعان اۋا رايى بولجامىن جاريالادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

دەمالىس كۇندەرى ايازدىڭ بەتى قايتىپ، قاردىڭ ازايۋىنا سەبەپ بولعان سيكلون باسىلۋدا. ونىڭ ورنىنا انتيسيكلون قايتا ورالىپ، كەزەكتى سۋىعىن اكەلدى. تەمپەراتۋرانىڭ تومەندەۋى شامالى جانە قىسقامەرزىمدى بولادى. وتكەن اپتادا كليماتتىق نورمادان 15-22 گرادۋس تومەن بولعان اۋا تەمپەراتۋراسى الداعى ءۇش تاۋلىكتە نورماعا جۋىق جانە ودان 2-4 گرادۋسقا تومەن بولادى.

باتىس وبلىستاردا اۋا تەمپەراتۋراسى ادەتتەگى نورمادان 3-8 گرادۋسقا دەيىن جوعارى بولادى.