ريوداعى ۆاسيلي لەۆيت پەن ەۆگەني تيشەنكونىڭ كەزدەسۋىنىڭ ناتيجەلەرى قايتا قارالادى
بۇل تۋرالى ح و ك باسشىسى توماس باح ءمالىم ەتتى، دەپ حابارلايدى ت ا س س.
بۇل شەشىم ح و ك- تىڭ اتقارۋشى كوميتەتىنىڭ پحەنچحاندا وتكەن ءماجىلىسىنىڭ قورىتىندىسى بويىنشا قابىلدانعان. حاباردا ح و ك- تى AIBA- نىڭ قارجىنى باسقارۋ مەن دوپينگكە قارسى بايانداماسى قاناعاتتاندىرماعاندىعى ايتىلادى.
«ح و ك- تىڭ اتقارۋشى كوميتەتى AIBA باسشىلىعىنداعى جاعدايعا الاڭداۋشىلىق ءبىلدىرىپ وتىر»، - دەدى باح.
«ءبىز AIBA باسشىلىعىنا قاراستى تەرگەۋ باستالعاندىعىن راستايمىز. اتقارۋشى كوميتەت سونىمەن قاتار ح و ك شەشىمدەرىن جۇزەگە اسىرۋعا ىقپال ەتەتىن جۇمىستاردان تىس ماسەلەلەر بويىنشا دا بايلانىستاردى توقتاتتى».
سونداي-اق ح و ك AIBA- عا تولەنەتىن تولەمدەردىڭ بارلىعىن قىسقارتتى. ح و ك- تىڭ اتقارۋشى كوميتەتى ۇيىم تۋرالى ەسەپتى 2018-جىلدىڭ 30- ساۋىرىندە جاسالادى دەپ كۇتىپ وتىر.
باح باسپا ءسوز ءماسليحاتىندا وليمپيادا ويىندارىنداعى تورەشىلىكتىڭ الاڭداتىپ وتىرعاندىعىن ايتتى.
ونىڭ سوزىنشە، ح و ك ريو-دە-جانەيرودا 2016-جىلى وتكەن وليمپيادا كەزىندە رەسەيلىك بوكسشىلاردىڭ قاتىسۋىمەن وتكەن ەكى كەزدەسۋدىڭ ناتيجەلەرىن زەردەلەۋدى جالعاستىرۋدا. بىرىنشىسىندە، ەۆگەني تيشەنكو فينالدا قازاقستاندىق ۆاسيلي لەۆيتتى (91 كەلىگە دەيىن سالماق) جەڭدى. ەكىنشىسىندە، ۆلاديمير نيكيتين شيرەك فينالدا يرلانديالىق مايكل كونلاندى (56 كەلىگە دەيىنگى سالماقتا) ۇتىپ كەتتى.
«كەزىندە ءبىز اتالعان كەزدەسۋلەرگە قاتىستى AIBA- دان ەسەپ العانبىز. سوعان قاراماستان ءبىز قوسىمشا اقپاراتتاردى دا سۇراستىرىپ، بۇل ءىستى زەردەلەۋمەن ءالى دە اينالىسۋدامىز»، - دەپ حابارلادى ح و ك باسشىسى.
AIBA- نى ۇزاق ۋاقىت بويى باسقارعان چينگ-كۋو ۆۋ ۇيىمداعى قارجىلىق جاعدايدىڭ ناشارلاپ بارا جاتقاندىعى تۋرالى ايىپتاۋلاردان سوڭ وتكەن جىلدىڭ سوڭىندا وتستاۆكاعا شىقتى. ونىڭ ورنىن قاۋىمداستىقتىڭ جارلىعى بويىنشا، ۇيىمنىڭ ۆيتسە-پرەزيدەنتى فرانكو فالچينەللي باستى. ول از ۋاقىتتان سوڭ بۇل لاۋازىمنان باس تارتتى.
وسىعان بايلانىستى چينگ-كۋو ۆۋدىڭ مىندەتىن اتقارۋشى قىزمەتىنە گافۋر راحيموۆ كىرىستى. ۇيىم باسشىلىعىنداعى اۋىس-تۇيىستەردەن سوڭ ح و ك ونداعى جاعدايعا بايلانىستى جانە راحيموۆتىڭ باسشىلىققا كەلۋىنە قاتىستى الاڭداۋشىلىق ءبىلدىردى. AIBA پرەزيدەنتىنىڭ سايلاۋى ماسكەۋدە قاراشادا وتەدى.
