وزبەكستان شەتەل ازاماتتارى ءۇشىن ۆيزاسىز رەجيم ەنگىزەدى

استانا. قازاقپارات - وزبەكستان ءبىرقاتار ەلدىڭ ازاماتتارىنا ۆيزاسىز رەجيم ەنگىزبەك، دەپ حابارلايدى قازاقپارات انادولى اگەنتتىگىنە سىلتەمە جاساپ.

وزبەكستان پرەزيدەنتى شاۆكات ميرزيەيەۆ 10- اقپاننان باستاپ تۇركيا، يندونەزيا، وڭتۇستىك كورەيا، مالايزيا، سينگاپۋر، جاپونيا جانە يزرايل ازاماتتارىنا 30 كۇندىك ۆيزاسىز رەجيم ەنگىزۋ تۋرالى جارلىققا قول قويدى.

رەجيم ەلگە تۇراقتى رەيس جاسايتىن اۋە كومپانيالارى ۇشاقتارىنىڭ ەكيپاجىنا دا قولدانىلادى.

بۇدان تىس، جارلىق 39 ەلدىڭ ازاماتتارىنا تۋريستىك ۆيزا الۋ ءتارتىبىن جەڭىلدەتۋدى كوزدەيدى. ولاردىڭ ۆيزاسى قۇجاتتار قابىلدانعان كۇندى ەسەپتەمەگەندە، ەكى كۇن ىشىندە دايىن بولۋى ءتيىس.