الەم چەمپيوناتى: قازاقستاندىق ۇزدىك سۇرمەرگەن اتاندى

استانا. قازاقپارات - رەسەيدىڭ حاباروۆسك قالاسىندا دوپتى حوككەيدەن وتكەن 2018-جىلعى الەم چەمپيوناتىندا قازاقستاندىق سپورتشى ۇزدىك سۇرمەرگەن اتاندى، دەپ حابارلايدى sports.kz.

تۋرنير قورىتىندىلارىنا وراي، قازاقستان قۇراماسىنىڭ كاپيتانى راۋان يساليەۆ 21 دوپپەن ۇزدىك سۇرمەرگەن اتاندى. ەكىنشى ورىندى ءوزارا ءبولىسىپ تۇرعان الەكساندر كولياگين (گەرمانيا) مەن الماز ميرگازوۆتىڭ (رەسەي) ەسەبىندە 12 گول بار.

ايتا كەتەيىك، الەمدىك باسەكەنىڭ فينالىندا شۆەتسيا قۇراماسىن 5:4 ەسەبىمەن جەڭگەن ايدىن يەلەرى چەمپيون بولدى. قولا مەدال ءۇشىن كۇرەستە 4:8 ەسەبىمەن فيندەرگە جول بەرگەن قازاقستان قۇراماسى ءتورتىنشى ورىنمەن شەكتەلدى.

قازاقستان قۇراماسىنىڭ باس باپكەرى ءىلياس حاندايەۆ سول كەزدەسۋ تۋرالى پىكىرىن بىلدىرە كەلە، ءوزىنىڭ العاشقى قادامى ءساتسىز بولعانىن ايتقان بولاتىن.