ۇلت پەن سانا. رۋ قىمبات پا، ۇلت قىمبات پا؟ - كەسكىن
ۇلتتىق ارنا بۇگىن باعدارلامانىڭ «رۋ قىمبات پا، ۇلت قىمبات پا؟» تاقىرىبىندا شىققان ءبىر شىعارىلىمىن كورەرمەن نازارىنا ۇسىندى. حابار قوناقتارى - قازاق حالقىنىڭ مادەنيەتىنىڭ، انا ءتىلىنىڭ، ءداستۇرى مەن ادەت- عۇرپىنىڭ جاڭارىپ، دامۋىنا ەلەۋلى ۇلەس قوسقان مەملەكەت قايراتكەرى وزبەكالى جانىبەكوۆ پەن جازۋشى سماعۇل ەلۋباي. حابار تاسپاعا 1993 - جىلى باسىلعان.
حابار ءتۇيىنى: «اينالايىن، اعايىن! «جەتى اتاسىن بىلمەگەن جەتەسىز، ءتۇپ اتاسىن بىلمەگەن تەكسىز»، دەگەن دانا ءسوز. ءبىراق، بىلەتىنىڭدى جەكە باسىڭا، الاقانداي اعايىنىڭ ءۇشىن عانا پايدالانباي، ءبىر رۋدىڭ جوعىن عانا جوقتاپ قويماي، ۇلتتىڭ، كۇللى قازاقتىڭ قامىن ويلاعاندا، ءبىز وركەنيەتتى، مادەنيەتتى ەلگە اينالامىز. ءبارىمىزدىڭ ءتۇبىمىز ءبىر.
«ءتۇبى بىرگە تۇرتپەيدى، تەگى بىرگە تەپپەيدى»، دەگەن بار. ەندەشە، وسى دانالىققا توقتايىق».
