دۇيسەنبى كۇنى قازاقستاننىڭ باسىم بولىگىندە قار جاۋادى

استانا. قازاقپارات - اتموسفەرالىق فرونتالدى بولىكتەردىڭ وتۋىنە بايلانىستى دۇيسەنبى كۇنى ەلدىڭ باسىم بولىگىندە قار جاۋىپ، بوران تۇرادى.

تەك ەلدىڭ وڭتۇستىگىندە، سولتۇستىگىندە جانە سولتۇستىك باتىسىندا قار جاۋمايدى. كەي جەرلەرگە تۇمان ءتۇسىپ، كوكتايعاق بولىپ، جەل كۇشەيەدى، دەپ حابارلايدى «قازگيدرومەت».

جامبىل، تۇندە الماتى وبلىستارىنىڭ ءبىرقاتار ايماقتارىندا تۇمان ءتۇسىپ، كوكتايعاق بولادى.

باتىس قازاقستان، اتىراۋ وبلىستارىندا كوكتايعاق بولادى، جەلدىڭ جىلدامدىعى سەكۋندىنا 15-23 مەترگە دەيىن كۇشەيەدى.

شىعىس قازاقستان وبلىسىنىڭ ءبىرقاتار بولىكتەرىندە جەل سەكۋندىنا 15-20 مەترگە دەيىن كۇشەيەدى.

قىزىلوردا، قوستاناي، اقمولا، سولتۇستىك قازاقستان، پاۆلودار، قاراعاندى وبلىستارىندا تۇمان ءتۇسۋى مۇمكىن.

اقتوبە وبلىسىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى سەكۋندىنا 18 مەترگە جەتەدى.

 ماڭعىستاۋ وبلىسىندا جەلدىڭ كۇشى 15-20 مەتر سەكۋند بولادى.