قاراعاندىدا ادامداردى قۇتقارعان پودپولكوۆنيك ماراپاتتالدى

قاراعاندى. قازاقپارات - قاراعاندىنىڭ وكتيابر اۋداندىق قورعانىس ىستەرى ءبولىمىنىڭ باستىعى دۋمان باكىروۆ قاراعاندى وبلىسىنداعى كۇرە جولدا ادامداردى قۇتقارعانى ءۇشىن ق ر قورعانىس ءمينيسترى ساكەن جاسۇزاقوۆتىڭ اتىنان العىس حات الدى، دەپ حابارلايدى «قازاقپارات» ح ا ا ءتىلشىسى.

ەرجۇرەك پودپولكوۆنيككە العىس حاتتى ءمينيستردىڭ اتىنان «استانا» وڭىرلىك قولباسشىلىقتىڭ قولباسشىسى قايدار قاراقۇلوۆ تابىستادى.

كىشىپەيىل اسكەري قىزمەتشى بۇل ارەكەتىن ەرلىك دەپ سانامايدى.

«17 -جەلتوقسان كۇنى 30 عا جۋىق ادام قاراعاندى- قارقارالى كۇرە جولىنىڭ جيەگىندە، اۆتوبۋس ماڭىندا تۇردى. جىلاعان بالا- شاعا مەن توڭعان انالاردى ءۇنسىز تاستاپ كەتە الماس ەدىم»، - دەپ ەسكە الادى دۋمان باكىروۆ.

دەمالىسقا شىققان ادامداردىڭ اۆتوبۋسى بۇزىلىپ، جولدا قالعان. نە وتكىنشى كولىك وتپەگەن، نە كومەك قولىن سوزاتىن بىرەۋ بولماعان.

«مەن 30 ادامنىڭ ءبارىن دەمالىس ۇيىنە جەتكىزۋگە شەشىم قابىلدادىم. كولىگىم جەڭىل ماشينا بولعاندىقتان، بىرنەشە رەت قاتىنادىم»، - دەيدى ول.

ول توڭعان جولاۋشىلاردى كۇنى بويى تاسىمالداعان. ءتىپتى ەرتەڭىنە ولارعا ءوزى حابارلاسىپ، حال- جاعدايىن دا سۇراعان.

ءدان ريزا جولاۋشىلار بىرنەشە كۇننەن كەيىن قاراعاندى وبلىستىق قورعانىس ىستەرى دەپارتامەنتىنىڭ باسشىلىعىنا قۇتقارۋشىنى ىنتالاندىرۋىن سۇراي جۇگىنەدى.

وعان قازاقستان قورعانىس ءمينيسترى ساكەن جاسۇزاقوۆتىڭ اتىنان العىس حات بەرىلدى.