ماسكەۋدە جاۋعان قالىڭ قار ءبىر ادامنىڭ ءومىرىن قيدى

استانا. قازاقپارات - ماسكەۋ مەرى سەرگەي سوبيانين رەسەي استاناسىندا جاۋعان قالىڭ قاردىڭ سالدارىنان ءبىر ادام قازا تاپقانىن ايتتى، دەپ حابارلايدى تاسس.

قالا مەرى «ۆكونتاكتە» جەلىسىندەگى پاراقشاسىندا قايعىلى وقيعا قالىڭ قاردىڭ كەسىرىنەن اعاش سىنىپ، ەلەكتر جەلىسىنىڭ ۇزىلگەنى سەبەپ بولعانىن جازعان.

«سوڭعى مالىمەتتەر بويىنشا 360 اعاش قۇلادى»، - دەيدى قالا باسشىسى. ماسكەۋ مەرىنىڭ سوزىنە قاراعاندا، تاعى بەس ادام زارداپ شەككەن.

سينوپتيكتەر ماسكەۋدە اۋا رايى بۇدان دا ناشارلاۋى مۇمكىن ەكەنىن ايتىپ جاتىر. 4 -اقپاندا كۇنى بويى قالىڭ قار جاۋىپ، جەلدىڭ جىلدامدىعى سەكۋندىنا 5-10 مەتر اينالاسىندا بولادى.