دانا نۇرجىگىت قىز-كەلىنشەكتەردى بايان ماقسات قىزىنان ۇلگى الماۋعا شاقىردى

استانا. قازاقپارات - تانىمال تەلەجۋرناليست دانا نۇرجىگىت «باقىتتى ايەل» باعدارلاماسىنا بەرگەن سۇحباتىندا قىز-كەلىنشەكتەردى پروديۋسەر بايان الاگوزوۆادان ۇلگى الماۋعا شاقىردى.

«جاقىندا ءبىر كەلىنشەكپەن سويلەستىم. ءتورت بالاسى بار ەكەن. ول باياننىڭ كىتابىن وقىعاننان كەيىن وزىنە قانات بىتتكەنىن ايتتى.

«ءسۇرىپ جاتقان ءومىرىم ءومىر ەمەس ەكەن. مەن وزىمنەن جاڭا كۇش تاپتىم. ەندى كۇيەۋىمە اجىراسۋ تۋرالى ويىمدى ايتاتىن شىعارمىن» - دەيدى. مەن: «باياننىڭ ءومىرى باياننىڭ ءومىرى. ال سەنىڭ ءومىرىڭ باسقاراق. الدى ارتىڭا قارا. مۇمكىن كۇيەۋىڭە باسقا كوزبەن قاراپ كورەرسىڭ» - دەدىم. بىرەۋگە اقىل ايتۋ وڭاي. ءبىراق مەن سول كەزدە ويلانىپ قالدىم. مەنىڭ ويىمشا، جۇلدىز بولۋ -  ءوز موينىڭا العان جاۋاپكەرشىلىك. سەبەبى سەنىڭ ءوزىڭ دە، ءسوزىڭ دە بىرەۋلەر ءۇشىن ماڭىزدى» - دەيدى دانا نۇرجىگىت.

دەسە دە جۋرناليست باياننىڭ مىقتىلىعى مەن توزىمدىلىگىنە ءتانتى ەكەنىن جاسىرمادى.

«كەيدە ادامدار اللانى ۇمىتىپ، ءوزى سياقتى جۇرگەن جۇمىر باستى پەندەنى پايعامبار ەتىپ، سونىڭ شىندىعىن ءوزىنىڭ ومىرىنە تەلەدى. ول دۇرىس ەمەس. دارا بولۋ دەگەن ءتىپتى باسقا دۇنيە. ءيا، بايان - دارا ادام. ونىڭ ءوزىنىڭ قيىندىعى مەن قاسىرەتى، دراماسى بار. ونى Instagram پاراقشاسىندا قانشا ادام سوگەدى. قانشاما ادام ءتۇرلى پىكىر جازادى. كەيدە سونىڭ ءبارىن بايان قالاي كوتەرىپ ءجۇر دەپ تاڭعالامىن» - دەيدى دانا نۇرجىگىت.

 

دەرەككوز: Reactor