جەر سەرىگىندە پايدالانىلعان ساعات ۇرلانعان
بۇل قۇرالدى باتىل عارىشكەرلەر ايعا ۇشقان كەزدە ەڭ العاش رەت قولداندى. ال، ەندى قىزىقتىسى مىناۋ: بۇگىنگە دەيىن بۇل ساعاتتاردىڭ شىعۋ تاريحى جايلى مۇلدە اقپارات جوق ەكەن. 1969 -جىلى ايعا اتتانعالى جاتقان «Apollo 11» ەكسپەديتسيا قۇرامى وزدەرىمەن بىرگە ءبىر- ءبىر «سپيدماستەردەن» الا كەتتى. وسى ساپار كەزىندە عارىشكەرلەر بورتتاعى ەلەكتروندى حرونومەتر دۇرىس جاسامايتىنىن انىقتادى. سوندىقتان، تاريحتا قالاتىن ءاربىر قادامدارىن ناقتىلاۋ ءۇشىن ولار «Omega Speedmaster» ساعاتىنىڭ كومەگىنە جۇگىندى. وسىلايشا، بۇل قۇرىلعى ايدا جۇمىس جاساعان ەڭ العاشقى قولساعات رەتىندە تاريحتا قالدى.
اۋەدەن جاقسى جاڭالىقتارمەن ورالعان عارىشكەرلەر، ناقتىلاپ ايتار بولساق، ولدرين باز بىرنەشە ۋاقىت وتكەننەن كەيىن وپەراتسيا كەزىندە قولدانعان زاتتارىن جيناپ ۆاشينگتونعا جول ءجۇرىپ كەتتى. ماقساتى: اۆياتسيا جانە عارىشكەرلىك ۇلتتىق مۋزەيدىڭ مۇرالارىن كوبەيتۋ. مۇراجاي قىزمەتكەرلەرى عارىشكەر الىپ كەلگەن زاتتاردىڭ بارلىعىن قابىلداعان. تەك، ەشقانداي تاريحي قۇندى جادىگەرگە جاتپايدى دەپ ساعاتتى كەرەكسىنبەپتى. وسىلايشا، بۇل ساعات قولدان- قولعا ءوتىپ جۇرگەندە تۇبىندە ۇرلانىپ، جوعالىپ كەتتى. قازىر مۇمكىن، بىرەۋدىڭ قولىندا قاراپايىم ساعاتتىڭ ءرولىن اتقارىپ جۇرگەن بولار.
Massaget.kz
