دەنيس تەن وليمپيادا ويىندارىنا قاتىسۋ ءۇشىن كورەياعا ۇشىپ باردى

 استانا. قازاقپارات - سوچيدەگى وليمپيادا ويىندارىنىڭ قولا جۇلدەگەرى، قازاقستاندىق مانەرلەپ سىرعاناۋشى دەنيس تەن وليمپيادا ويىندارىنا قاتىسۋ ءۇشىن بۇگىن تاڭەرتەڭ ينچحون اۋەجايىنا ۇشىپ باردى، دەپ حابارلايدى قازاقپارات ءتىلشىسى.

«بۇگىن تاڭەرتەڭ ينچحون حالىقارالىق اۋەجايىنا ءبىزدىڭ دەنيس تەن ۇشىپ كەلدى. وليمپيادا اۋىلىنا قازاقستاندىق مانەرلەپ سىرعاناۋشى 11 - اقپان كۇنى بارادى» ، - دەپ ءتۇسىندىردى باسپا ءسوز قىزمەتىنەن.

ەسكە سالا كەتسەك، 2016 -جىلدىڭ 1- ساۋىرىندە دەنيس تەن فينليانديا ەلىنىڭ استاناسى حەلسينكيدە وتكەن الەم چەمپيوناتىندا 16-ورىن الىپ، 2018 -جىلعى قىسقى وليمپيادا ويىندارىنا جولداما الدى.

10 - تامىز كۇنى كورەياداعى «Ice Festa» شوۋى قارساڭىندا جاراقات الىپ قالعان بولاتىن.

كورەيانىڭ پحەنچان قالاسىنداعى وليمپيادا ويىندارى اقپاننىڭ 9-25 ارالىعىندا وتەدى. وندا سپورتتىڭ 15 ءتۇرى بويىنشا 102 مەدال جيىنتىعى ساراپقا سالىنادى. قازاقستاندىقتار سپورتتىڭ 9 ءتۇرى بويىنشا باق سىنايدى.

وليمپيادانىڭ اشىلۋ سالتاناتىندا ەل تۋىن شورت- ترەكشى ابزال اجعاليەۆ ۇستاپ شىعادى.

 

اۆتور: ايجان سەرىكجان قىزى