قازاقتىڭ تۇڭعىش وليمپيادا چەمپيونى جەڭىسكە جەتكەن ءساتىن ەسكە الدى
ءالجان جارمۇحامەدوۆ قازاقستاندىق ستۋدەنتتەرگە، قازاقستاندىق جانە شەتەلدىك ديپلوماتتارعا كاسىبي جولداعى ءوز تاريحىن جانە 1972 -جىلى ميۋنحەندە وتكەن وليمپياداداعى ك س ر و باسكەتبول قۇراماسىنىڭ جەڭىسى تۋرالى ايتىپ بەردى.
«فيلم قىزىقتى ءارى اسەرلى شىعىپتى. مەنى وزىنە باۋراپ الدى. بۇل كادرلەرگە قاراعان سايىن جاستىق شاعىمدى ەسكە الامىن. فيلمدى العاش كورگەندە قوبالجىپ، قان قىسىمىم كوتەرىلىپ، ادەتتە ەلۋ رەت سوعاتىن تامىرىمنىڭ سوعۋ جيىلىگى جۇزگە جەتتى» ، - دەپ ءوز اسەرىمەن ءبولىستى كارتينا كەيىپكەرلەرىنىڭ ءبىرى ءالجان جارمۇحامەدوۆ.
كوركەم فيلم بولعاندىقتان، ءا. جارمۇحامەدوۆتىڭ ايتۋىنشا، شىعارماشىلىق توپ ويدان شىعارىلعان ساتتەردى دە قوسۋعا حاقىلى ەدى.
«كارتينا اۆتورلارى ماتچتاعى ءدراماتيزمدى بەرە الدى، ويىن قالاي ءجۇردى، پسيحولوگيالىق تۇرعىدا قانداي كۇردەلى بولعانىن كورسەتتى. اسىرەسە سوڭعى ءۇش سەكۋند، تورەشىلەر ۇستەلىندەگى جانتالاس. سول ساتتە ەكراندا دا، زالدا دا كورەرمەندەر سىلتىدەي تىنادى، دوپتىڭ شىعىرىققا ءتۇسۋىن كۇتەدى. فيلمدى ءار قاراعان سايىن ۆالەريانكا ىشۋگە تۋرا كەلدى» ، - دەيدى ءا. جارمۇحامەدوۆ.
