قايرات نۇرتاس سۇحبات بەرگەنى ءۇشىن قانشا اقشا الاتىنى بەلگىلى بولدى

 استانا. قازاقپارات - ورىنداعان بارلىق ءانى حيتكە اينالاتىن قايرات نۇرتاستىڭ «سۇحباتى اقىلى ما نەمەسە ءانشىنىڭ گونورارى قانشا؟ » دەگەن سۇراقتار كوپشىلىكتى قىزىقتىرماي قويمايدى.

ەل كوكەيىندە جۇرگەن سۇراقتارعا ءانشىنىڭ ءوزى جاۋاپ بەردى دەپ حابارلايدى comode.kz سايتىنا سىلتەمە جاساعان NUR. KZ.

ءانشى سۇحباتىنا ەشقانداي گونورار سۇرامايتىنىن ايتتى. ءبىراق ۋاقىتى تىعىز بولعاندىقتان، كوبىندە سۇحباتتاسۋعا مۇمكىندىك تۋا بەرمەيدى ەكەن.

«شىنىمدى ايتسام، سوڭعى كەزدەرى «گونورار» جايلى اقپاراتتى كوپ ەستىپ كەتتىم. ءبىراق، مەنىڭ نەمەسە انامنىڭ، بولماسا جانىمداعى كومەكشىلەردىڭ اۋزىنان مۇنداي ءسوز شىقتى دەگەنگە سەنبەيمىن. ءيا، كوپ كەزدە سۇحباتتارعا بارمايمىن. سەبەبى، مەنىڭ ۋاقىتىم تىعىز. ۇنەمى جولدا، گاسترولدىك ساپارلاردا جۇرەمىن» ، - دەيدى قايرات نۇرتاس.