قازاقستاندا كومپيۋتەرلىك باعدارلامالاۋ باستاۋىش سىنىپتان وقىتىلا باستايدى
ۆيتسە- پرەمەردىڭ ايتۋىنشا، مەملەكەت سيفرلىق تەحنولوگيالاردى دامىتۋعا بارىنشا كۇش سالىپ وتىر.
«بالالاردى باستاۋىش سىنىپتان باعدارلامالاۋعا ۇيرەتەتىن بولامىز. جوعارعى سىنىپ وقۋشىلارىنا كاسىپكەرلىك بويىنشا ءتالىم الۋ ماڭىزدى. ولار ستارتاپتى، ءوندىرىستى قالاي باستاۋ كەرەكتىگىن ءبىلۋى ءتيىس. ج و و- لاردا بارلىق ماماندىقتار بويىنشا ІТ- تەحنولوگيالاردىڭ وقىتىلۋىن قاداعالايمىز. مامانداردىڭ ІТ سالاسىندا العان ءبىلىمىن جەتىلدىرۋگە كۇش سالامىز»، - دەدى اسقار جۇماعاليەۆ.
بۇگىندە قازاقستان ەلەكتروندى ۇكىمەتتى دامىتۋ بويىنشا رەيتينگتە 33-ورىندا تۇر.
ايتا كەتەيىك، فورۋم بارىسىندا ق ر پرەمەر- ءمينيسترى باقىتجان ساعىنتايەۆ ەلىمىزدە مەملەكەتتىك قىزمەتتى اۆتوماتتاندىرۋدى % 80- عا جەتكىزۋ كوزدەلىپ وتىرعانىن ايتقان بولاتىن.
«بىزگە ارنايى تەلەكوممۋنيكاتسيالىق ينفراقۇرىلىم كەرەك. ەلدى مەكەندەردىڭ بارلىعىندا كەڭ جولاقتى ينتەرنەت بولۋى ءتيىس. وپتيكالىق تالشىقتار كىرمەيتىن جەرلەرگە 2020 -جىلعا دەيىن سپۋتنيكتىك بايلانىستى پايدالاناتىن بولامىز. سيفرلاندىرۋ تەحنولوگياسىن ەنگىزۋ ءوندىرىستى بىرنەشە ەسە ارتتىرۋعا سەپتىگىن تيگىزبەك. سوندىقتان، ۇكىمەت يننوۆاتسيالىق ەكوجۇيە قۇرىپ وتىر. وسى ماقساتتا ەلدەگى جاس بىلىكتى مامانداردى ىنتالاندىرۋ قولعا الىنعان»، - دەدى ا. جۇماعاليەۆ.
اۆتور: گۇلميرا عوسمانالي
