سەيسمولوگتار جەر ءدۇمپۋى نەگە سوققىداي سەزىلگەنىن ءتۇسىندىردى

الماتى. قازاقپارات - سەيسمولوگيا ينستيتۋتىنىڭ ديرەكتورى ءانۋار بورانبايەۆ الماتىدا بولعان جەر سىلكىنىسى نەلىكتەن سوققى تيگەندەي اسەر قالدىرعانىن ءتۇسىندىردى، دەپ حابارلايدى قازاقپارات ءتىلشىسى.

ونىڭ ايتۋىنشا، جەر سىلكىنىسى ەكى كەزەڭنەن تۇرادى. جەر قىرتىسىنىڭ سوعىلۋىنان پ تولقىن ءدۇمپۋ رەتىندە پايدا بولسا، ارتىنان س تولقىن جان- جاققا تارالادى.

«بۇگىن الماتى قالاسىنىڭ اۋماعىندا جەر سىلكىنىسى بولدى. سوندىقتان پ تولقىنى بولعانمەن، س تولقىنىنىڭ تاراۋى بولعان جوق. بۇل جاعدايدا جەر سىلكىنىسىنىڭ وشاعى قالادا بولعاندىقتان، ۆەرتيكالدى ءدۇمپۋ بولدى دەپ ايتامىز»، - دەدى انۋار بورانبايەۆ.

 ونىڭ ايتۋىنا قاراعاندا، الماتىدا قالا تەرريتورياسىندا سوڭعى 18 جىلدا 23 جەر سىلكىنىسى تىركەلگەن. ءبىراق بۇل جەر سىلكىنىستەردىڭ كوپشىلىگىن تۇرعىندار سەزىنبەگەن. 2010 -جىلى وربيتا شاعىن اۋدانىندا بولعان جەر سىلكىنىسىن تۇرعىندار سەزدى.

 سەيسمولوگيالىق بەلسەندى ايماققا جاتاتىن الماتى مەن الماتى وبلىسى ءۇشىن جەر سىلكىنىسى قالىپتى جاعداي دەيدى مامان.

ايتا كەتەيىك، 2017 -جىلى قاراشادا وتكەن كونفەرەنسيا بارىسىندا ق ر  ۇ ع ا اكادەميگى، سەيسمولوگيا ينستيتۋتىنىڭ لابوراتورياسىنىڭ مەڭگەرۋشىسى ءابدىراحمان كۋرسكەيەۆ بيىل الماتىدا جەر سىلكىنىسىنە قاتىستى بولجام ايتقان بولاتىن.

ەسكە سالساق، ق ر  ب ع م  ع ك سەيمولوگيالىق تاجىريبە- ەادىستەمەلىك ەكسپەديسياسى» مەملەكەتتىك مەكەمەسى 15:20:44 ۋاقىتتا جەراستى دۇمپۋلەرىن تىركەگەن بولاتىن.

سونداي- اق، قالا تۇرعىندارى الەۋمەتتىك جەلىلەردە بيىلعى جەر سىلكىنىسىنىڭ ۆەرتيكالدى قوزعالىس اسەر قالدىرعانى تۋرالى دا ايتتى.

اۆتور: گۇلميرا عوسمانالي