بۇگىن ۇ و ك وكىلدەرى وليمپياداعا اتتاندى
ق ر ۇ و ك سپورت ديرەكسياسىنىڭ جەتەكشىسى ەلسيار قاناعاتوۆ باستاعان دەلەگاتسيا قاتارىندا سپورتشىلار مەن جاتتىقتىرۋشىلاردىڭ جاعدايىنا جاۋاپتى ماماندار دا بار. ولار وليمپيادالىق قالاشىققا ەرتەرەك بارىپ، ۇيىمداستىرۋ شارالارىن پىسىقتايدى.
وسى ورايدا، ەلسيار قاناعاتوۆ تىلشىلەرگە سپورتشىلاردىڭ ءبارى بەكىتىلگەن تىزىممەن جوسپار بويىنشا وليمپيادالىق قالاشىققا رەت-رەتىمەن باراتىنىن جەتكىزدى.
«شتابتىڭ ەڭ باستى جۇمىسى - سپورتشىلارعا جاعداي جاساپ، ۋاقىتىندا كۇتىپ الۋ. سونداي-اق، تاماق جاعىن قاراستىرىپ، وقۋ-جاتتىعۋ جۇمىستارى قاي ۋاقىتتا بولاتىنىن، قاي ۋاقىتتا جينالىس بولاتىنىن ايتىپ وتىرۋ. سپورتشىلارعا بارىنشا قولايلى جاعداي جاساۋ»، - دەپ اتاپ ءوتتى.
ەستەرىڭىزگە سالا كەتەيىك، قازاقستان قۇراماسىنىڭ العاشقى لەگى كەشە وڭتۇستىك كورەياعا تابان تىرەگەنىن حابارلاعان بولاتىنبىز.
اۆتور: كۇنسۇلتان وتارباي
