10:14, 02 - اقپان 2018 | GMT +5
اتىراۋدا كونە سارايشىق تۋرالى مۋلتفيلمنىڭ تۇساۋى كەسىلدى
اتىراۋ. قازاقپارات - اتىراۋدا «رۋحاني جاڭعىرۋ» باعدارلاماسى اياسىندا شىعارىلعان «سارايشىققا ساياحات» مۋلتيپليكاتسيالىق فيلمىنىڭ تۇساۋكەسەرى بولدى، دەپ حابارلايدى «قازاقپارات» ح ا ا ءتىلشىسى.
10 بولىمنەن تۇراتىن مۋلتفيلم بالالاردىڭ كونە سارايشىق قالاسىنا جاساعان قىزىقتى ساياحاتى جايلى سىر شەرتەدى. Q- Daily مەديا ورتالىعى وسى مۋلتفيلمدى شىعارۋعا ەكى اي ۋاقىت جۇمسادى.
«سارايشىققا ساياحات» - قازاقستاندا ەڭ جاڭا تەحنولوگيالاردىڭ كومەگىمەن شىعارىلعان انيماتسيالىق فيلم. سەناريدى جازاردا اتىراۋ وبلىسىنىڭ ماحامبەت اۋدانىنداعى كونە قالانىڭ ورنىنداعى ارحەولوگيالىق قازبا جۇمىستارى جۇرگىزىلگەن ورىندارىنا بارىپ، زەرتتەۋلەرمەن تانىستىق، عالىمداردىڭ كەڭەستەرىن تىڭدادىق. كورگەن- بىلگەندەرىمىزدىڭ ءبارىن مۋلتيپليكاتسيا تىلىمەن جەتكىزۋگە ارەكەت جاسادىق. كورەرمەن قاۋىم ءبىزدىڭ جۇمىسقا وڭ باعاسىن بەرەدى دەگەن ۇمىتتەمىز»، - دەيدى جوبا پروديۋسەرى ازامات اتاگەلديەۆ.
