قايرات نۇرتاس: دۇشپانىمدى دوس، دوسىمدى جاۋ كوردىم
ەرتە تانىلعان ءارتىس جاستىق شاعىندا تالاي شالىس باسقان. ءبىراق ادام ءۇشىن ماڭىزدىسى قاتەلىكتەن ساباق الۋ دەيدى ءوزى. بۇل تۋرالى ءانشى جەلىدەگى پاراقشاسىنا جازعان.
«ادام جاس كەزىندە كوپ نارسەنىڭ قۇندىلىعىن تۇسىنبەيدى ەكەن. قازىر دە قارتايىپ قالعان ەشتەڭەم جوق. ءبىراق كەمشىلىكسىز ادام بولمايتىنىن ءبارىمىز بىلەمىز.
مەندە كوپ قاتەلەستىم، قاتەلىكتەرىمنەن ساباق الدىم. دۇشپانىمدى دوس كوردىم، دوسىمدى جاۋ كوردىم. كۇمىستى التىن سانادىم، التىندى تەمىرگە تەڭەدىم. نەگىزى، تابيعاتىمدا وتە سەنگىشپىن. وعان ەش وكپەلەمەيمىن، كەرىسىنشە قۋانامىن. ويتكەنى ءومىردىڭ ءوزى سەنىمنەن تۇرادى. اللاعا دەگەن سەنىم، بولاشاققا، جاقسىلىققا، وتباسىڭا دەگەن سەنىم. ءبىز نەگىزى بىرەۋدى سىناۋعا كەلگەن دە الدىمىزعا جان سالمايتىنىمىز راس. بۇل ءومىردىڭ ءوزى سىناق. اركىم ءوزى ءۇشىن ءوزى جاۋاپ بەرەدى. ءبىر-بىرىمىزگە تەك جاقسىلىق تىلەپ، جان- جاعىمىزدىڭ تەك جاقسى قىرلارىن كورەتىن بولساق، جۇرەگىمىز دە تىنىش، ءومىرىمىز دە تىنىش بولماق. سىناقتان سۇرىنسەڭىز دە، قۇلاماۋدى اللا ءناسىپ ەتسىن! مەن سىزدەردى جاقسى كورەم» - دەيدى.
