پحەنچحان مەن كاننىندا وليمپيادالىق قالاشىقتار اشىلدى - فوتو

استانا. قازاقپارات - بۇگىن وڭتۇستىك كورەيانىڭ پحەنچحان مەن كاننىن قالاسىنداعى وليمپيادالىق قالاشىقتار رەسمي تۇردە اشىلدى، دەپ حابارلايدى قازاقپارات ۇلتتىق وليمپيادا كوميتەتىنە سىلتەمە جاساپ.

وليمپيادالىق قالاشىقتاردىڭ رەسمي اشىلۋ سالتاناتىنا 2018 -جىلعى وليمپيادا ويىندارىن ۇيىمداستىرۋ كوميتەتىنىڭ باسشىسى لي حي بوم، حالىقارالىق وليمپيادا كوميتەتىنىڭ پرەزيدەنتى توماس باح جانە كورەيا سپورت مينيسترلىگىنىڭ وكىلدەرى قاتىستى.

توماس باح وليمپيادالىق قالاشىقتىڭ قىسقى وليمپيادا ويىندارى تاريحىنداعى ەڭ ۇزدىگى ەكەندىگىن تىلگە تيەك ەتىپ، بارلىق سپورتشىلارعا ساتتىلىك تىلەدى.

 

ايتا كەتەيىك، بۇگىن پحەنچحانعا ءبىرىنشى بولىپ قازاقستاننىڭ بياتلوننان ۇلتتىق قۇراماسى جەتتى. ال كونكيشىلەرىمىز جاپونياداعى وقۋ- جاتتىعۋ جيىندارىن اياقتاپ، ەرتەڭ كورەياعا جول تارتادى.

 

بۇعان دەيىن حابارلاعانىمىزداي، قازاقستان قۇراماسى وليمپياداعا 57 جولداما جەڭىپ الىپ، 46 سپورتشىمىز قىسقى سپورتتىڭ 9 تۇرىنەن باق سىنايتىن بولادى.

 

ەستەرىڭىزگە سالايىق،  XXIIIقىسقى وليمپيادا ويىندارى 9-25 -اقپان ارالىعىندا وڭتۇستىك كورەيانىڭ پحەنچحان قالاسىندا وتەدى. وعان 95 مەملەكەتتەن 2900 سپورتشى مەن رەسمي وكىلدەر قاتىسادى دەپ كۇتىلۋدە.