دۇنيەجۇزىلىك بوكس قاۋىمداستىعى رەسەيلىك بوكىسشىنى الەم چەمپيونى تيتۋلىنان ايىردى
بۇل تۋرالى ۇيىمنىڭ باسپا ءسوز قىزمەتى مالىمدەدى، دەپ حابارلايدى ت ا س س.
سوڭعى رەت لەبەدوۆ 2017-جىلى 9- ماۋسىمدا اۆستراليالىق مارك فلەنەگاندى جەڭىپ، WBA تيتۋلىن قورعاپ قالعان ەدى. سودان بەرى ول رينگكە شىققان جوق. سونداي-اق 39 جاستاعى رەسەيلىك دۇنيەجۇزىلىك بوكس سۋپەرسەرياسىنىڭ تۋرنيرىنە دە قاتىسپاعان.
تيتۋل ۋاقىتشا چەمپيون كۋبالىق يۋنيەر دورتيكوسقا بەرىلدى. بۇل شەشىممەن لەبەدوۆ كەلىستى.
WBA مالىمدەمەسىندە بەلبەۋ دورتيكوس پەن حالىقارالىق بوكس فەدەراتسياسى نۇسقاسى بويىنشا چەمپيون رەسەيلىك مۋرات گاسسييەۆتىڭ WBSS جارتىلاي فينالدىق جەكپە-جەگىنە قويىلاتىن بولادى. ايقاس سەنبىدە سوچيدە وتەدى.
لەبەدوۆتىڭ ەنشىسىندە 30 جەڭىس (22 نوكاۋت) جانە ءۇش جەڭىلىس بار.
ال 37 جاستاعى دورتيكوستىڭ ەسەبىندە 22 جەڭىس بولسا، ولاردىڭ 21 ءى نوكاۋت. 24 جاستاعى گاسسيەۆ 25 رەت قارسىلاستارىنان باسىم تۇسكەن، ونىڭ 21 ءى نوكاۋتپەن اياقتالعان. بوكسشىنىڭ ەكەۋى دە ەش جەڭىلىپ كورمەگەن.
