استانانىڭ ىرگەدەگى ەلدى مەكەندەر ەرەكشە دامىتىلادى
استانا اگلومەراتسياسىنا ەنگەن ەلدى مەكەندەردىڭ پروبلەماسىن شەشۋ جولدارى سارالانعان بريفينگتە اۋدان اكىمى وڭىردە حالىقتىڭ ءال- اۋقاتىن جاقسارتۋ، ەلدى مەكەندەردى دامىتۋ بويىنشا اتقارىلىپ جاتقان شارۋالارعا توقتالدى. اكىمىنىڭ سوزىنشە، استانا اگلومەراتسياسىنا شورتاندى اۋدانىنداعى توڭكەرىس، بوزايعىر جانە كليۋچي ەلدى مەكەندەرى ەنىپ وتىر. وسىنىڭ ارقاسىندا اۋداندا ينجەنەرلىك كوممۋنيكاتسيا مەن الەۋمەتتىك ينفراقۇرىلىمدى دامىتۋ، تۇرعىنداردى سۋ جانە ەلەكترمەن قامتاماسىز ەتۋ، جول قۇرىلىسى بويىنشا جوعارى كورسەتكىشتەرگە قول جەتكىزىلىپ كەلەدى.
«اۋداندا ينجەنەرلىك كوممۋنيكاتسيا سالاسىنىڭ دامۋىنا اسا كوڭىل بولىنۋدە. 2010 -جىلدان بەرى تۇرعىنداردى ساپالى اۋىز سۋمەن قامتاماسىز ەتۋ ماقساتىندا توڭكەرىس جانە بوزايعىر اۋىلدارىندا سۋقۇبىرى جۇيەسى قالپىنا كەلتىرىلۋدە. وعان قوسا، بيىلعا جىلى بوزايعىر اۋىلىندا 84 ۋچاسكەدە ۇزىندىعى 6 شاقىرىم سۋ قۇبىرىنىڭ قۇرىلىسى جوباسى ءۇشىن قارجى ءبولىندى. كليۋچي اۋىلىنىڭ تۇرعىندارىن ساپالى اۋىز سۋمەن قامتاماسىز ەتۋ ماقساتىندا وتكەن جىلى سۋ سورعىش، سۇزگى، جۇيەلىك قوندىرعىلارىن اۋىستىردىق. قازىرگى كەزدە، «شورتاندى سۋ» كوممۋنالدىق كاسىپورنى جەر استى سۋ سورعىشتارىن اۋىستىرۋ جۇمىستارىن جالعاسىرۋدا»، - دەدى گۇلنۇر ءسادۋاقاسوۆا ءوز سوزىندە.
سونىمەن قاتار، اۋدان اكىمى 2017 -جىلى بوزايعىر جانە كليۋچي اۋىلدارىنىڭ كوشەلەرىنە كۇردەلى جوندەۋ جۇمىستارىن جۇرگىزۋ ءۇشىن قاجەتتى قۇجاتتاردىڭ ازىرلەنگەنىن اتاپ ءوتتى. وسىمەن بىرگە، بوزايعىر اۋىلىنىڭ تۇرعىندارىن ۇزدىكسىز ەلەكترمەن جابدىقتاۋ ماسەلەسى دە وڭ شەشىلىپ جاتقاندىعى ايتىلدى. جالپى اۋداندا، الەۋمەتتىك نىسانداردىڭ قۇرىلىسىنا ەرەكشە كوڭىل بولىنگەن.
«مەكتەپكە دەيىنگى بالالاردى ءبىلىم بەرۋمەن قامتاماسىز ەتۋ جولىندا توڭكەرىس جانە بوزايعىر اۋىلدارىندا 140 بالاباقشا سالۋ ءۇشىن جوبالىق- سمەتالىق قۇجاتتارى ازىرلەندى. بيىل توڭكەرىس جانە كليۋچي اۋىلدارىندا مەديتسينالىق پۋنكتى سالۋ جوسپاردا بار. جالپى، اۋداننىڭ وزگە ەلدى مەكەندەرىن ەسەپكە العاندا الەۋمەتتىك- ەكونوميكالىق دامۋ كورسەتكىشىندە وڭ ديناميكا بار»، دەپ ءسوزىن تۇيىندەدى اۋدان اكىمى.
اۆتور: اسلان وسپانوۆ
