قازاقستان وتاندىق سپۋتنيكتىك بايلانىستىڭ ارقاسىندا قوماقتى قارجى ۇنەمدەدى
بۇل تۋرالى بۇگىن ق ر ق ا ءو م «رەسپۋبليكالىق عارىشتىق بايلانىس ورتالىعى» ا ق- نىڭ «اقكول» عارىشتىق بايلانىس ورتالىعىنا (ع ب و) سەنات دەپۋتاتتارىنىڭ ساپارى كەزىندە ءمالىم بولدى، دەپ حابارلايدى قازاقپارات ءتىلشىسى.
سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى داريعا نازاربايەۆا باستاعان دەپۋتاتتار KazSat عارىشتىق بايلانىس جانە حابار تاراتۋ جۇيەسىنىڭ جۇمىسىمەن تانىستى.
2018 -جىلعى 1 - قاڭتارداعى جاعداي بويىنشا، KazSat سەريالى ەكى عارىش اپپاراتتارىنىڭ سىيىمدىلىعىن ورتاشا جۇكتەۋ 70 پايىزدى قۇرادى، بۇل الەمدىك تاجىريبەدە جاقسى كورسەتكىش بولىپ تابىلادى. سەبەبى ءاربىر عارىش اپپاراتىن كوممەرتسيالىق جۇكتەۋ ادەتتە بارلىق رەسۋرستىڭ 75-80 پايىزدان اسپايدى.
«رەسپۋبليكالىق عارىشتىق بايلانىس ورتالىعى» ا ق پرەزيدەنتى ۆيكتور لەفتەردىڭ ايتۋىنا قاراعاندا، KazSat عارىشتىق سپۋتنيكتىك بايلانىس (ع س ب) ىسكە قوسىلعالى قىزمەتتەر يمپورتىن الماستىرۋدا 34 ميلليارد تەڭگەدەن استام سوماعا قامتاماسىز ەتتى.
قازىرگى كۇنى «ر ع ب و» ا ق قولدانىستاعى سپۋتنيكتىك بايلانىس جەلىلەرىنىڭ ۇزدىكسىز جۇمىس جاساۋى، سونداي- اق ولاردى ودان ءارى دامىتۋ ماقساتىندا « KazSat » بايلانىس جانە حابار تاراتۋ سپۋتنيكتەرىنىڭ قازاقستاندىق ۇلتتىق توپتاماسىن كوبەيتۋ بويىنشا بەلسەندى جۇمىس جۇرگىزۋدە.
«بۇگىنگى تاڭدا قازاقستاندا مەملەكەتتىڭ بەكىتىلگەن بايلانىس ارنالارىنا قاجەتتىلىگىن تولىقتاي قاناعاتتاندىرۋعا قابىلەتتى تولىققاندى « KazSat » عارىشتىق بايلانىس جۇيەسى قۇرىلدى»، - دەدى ۆ. لەفتەر.
ايتا كەتەيىك، «رەسپۋبليكالىق عارىشتىق بايلانىس ورتالىعى» اق « KazSat » عارىشتىق بايلانىس جۇيەسىنىڭ ۇلتتىق وپەراتورى. سونىمەن قاتار ورتالىق 14 جىلدان استام تەلەكوممۋنيكاتسيالىق وپەراتورلاردى، ۇلتتىق كومپانيالاردى جانە حولدينگتەردى، مەملەكەتتىك ورگاندار مەن جەكە ۇيىمداردى سيفرلى تەلەراديو حابار تاراتۋ، ينتەرنەت جەلىسىنە كەڭ جولاقتى قولجەتىمدىلىك، دەرەكتەردى بەرۋ جانە كورپوراتيۆتىك سپۋتنيكتىك بايلانىس جەلىلەرى قىزمەتتەرىن ۇسىنۋ مۇمكىندىگى ءۇشىن ينفراقۇرىلىممەن قامتاماسىز ەتەدى.
« KazSat » ع س ب ەكى « KazSat -2» جانە « KazSat -3» بايلانىس جانە حابار تاراتۋ اپپاراتتارىنان تۇرادى. « KazSat -2» عارىش اپپاراتى 2011 -جىلى 16 - شىلدەدە گەوستاتسيونارلىق وربيتاعا ۇشىرىلدى، ال « KazSat -3» عارىش اپپاراتىن ۇشىرۋ 2014 -جىلى 28 -ساۋىردە بولدى. ەكى سپۋتنيك تە ءبىر- بىرىنەن قالىسپايدى، ال كەيبىر تەحنيكالىق پارامەترلەر بويىنشا شەتەلدىك عارىش اپپاراتتارىنان اسىپ تۇسەدى.
سپۋتنيكتەردى باسقارۋ ەكى كەشەننەن جۇرگىزىلەدى. اتاپ ايتقاندا اقمولا وبلىسى اقكول قالاسىنداعى جەرءۇستى باسقارۋ كەشەنى، سونداي- اق الماتى وبلىسى كوكتەرەك كەنتىندەگى رەزەرۆتىك جەرۇستى باسقارۋ كەشەنى جاساقتالعان.
اۆتور: رۋسلان عابباسوۆ
