ۇلتتىق ارنا مۇراعاتتا ساقتالعان تەلەباعدارلامالاردى كورسەتەدى
«قۇرمەتتى دوستار! قازاق تەلەۆيزياسىنىڭ 60 جىلدىعىنىڭ قارساڭىندا ۇلتتىق ارنا ەفيرىندە مۇراعاتىمىزدا ساقتالىپ قالعان، كەزىندە كورەرمەننىڭ ىستىق ىقىلاسىنا بولەنگەن تەلەباعدارلامالاردى كورسەتۋدى ءجون كوردىك. وسى جەكسەنبى كۇنى، ياعني 4 - اقپان كۇنى 15:05-تە كەزىندە وسى تەلەراديوكورپوراتسيانىڭ ءتوراعاسى بولعان، قازاقستاننىڭ حالىق جازۋشىسى شەرحان مۇرتازانىڭ 1993 -جىلى تۇسىرىلگەن «ۇلت جانە سانا» باعدارلاماسى ەفيرگە شىعادى»، - دەپ جازدى ەرلان قارين ءوزىنىڭ فەيسبۋكتەگى پاراقشاسىندا.
باعدارلاما تاقىرىبى «رۋ قىمبات پا، ۇلت قىمبات پا» دەپ اتالادى جانە وعان مەملەكەت قايراتكەرى، ەتنوگراف وزبەكالى جانىبەكوۆ پەن جازۋشى، دراماتۋرگ سماعۇل ەلۋباي قاتىسقان.
ارنا باسشىسى 25 جىل بۇرىن كوتەرىلگەن تاقىرىپتىڭ ءالى كۇنگە دەيىن وزەكتى ەكەنىن اتاپ ءوتتى.
اۆتور: ايجان سەرىكجان قىزى
