اندرەي ەسىمىن بالالارعا قويۋعا تىيىم سالدى

 استانا. قازاقپارات - اندرەي ەسىمى يسلانديانىڭ فونەتيكالىق كانوندارىنا ساي كەلمەيتىندىكتەن، بيلىك بۇل ەسىمدى بالالارعا قويۋعا تىيىم سالدى.

بۇل تۋرالى Baq.kz اقپارات اگەنتتىگى ۋكرnews سايتىنا سىلتەمە جاساپ حابارلايدى.

«يسلانديانىڭ تەرريتورياسىندا دۇنيەگە كەلگەن بالالارعا قويۋعا بولاتىن تىزىمنەن اندرەي ەسىمى ءتۇسىپ قالدى. مامانداردان قۇرالعان كوميسسيا Andrej ەسىمى سوڭىندا جازىلاتىن ارىپتەردىڭ يسلانديا فونەتيكاسىنىڭ ەرەجەلەرىنە باعىنبايتىنىن ايتتى» ، - دەلىنگەن باسپا ءسوز حابارلاماسىندا.

ءبىراق، بۇل ەسىمدى بالاعا كەلەسىدەگىدەي تۇرلەندىرىپ قويۋعا بولادى: اندري، اندرەان، اندرەاس، اندە جانە اندرەس.

اندرەي ەسىمى سلاۆيان ەلدەرىنىڭ اراسىندا كەڭىنەن تارالسا دا، ونىڭ ءتۇپ- تامىرى گرەك تىلىنەن شىققان. اۋدارعاندا «باتىر، ەر مىنەزدى، مىقتى» دەگەن ماعىنانى بىلدىرەدى.

يسلانديا تۇرعىندارىنا قويۋعا رۇقسات بەرىلەتىن ەسىمدەر تىزىمىنە ەنۋ ءۇشىن، جاڭا ەسىم تولىقتاي اتالعان ەلدىڭ فونەتيكاسى مەن ورفوگرافيالىق ەرەجەلەرىنە باعىنۋى ءتيىس. مۇنىمەن قاتار، جاڭا ەسىم تەك يسلانديا الىپبيىندەگى ارىپتەردەن قۇرالۋى ءتيىس. ال يسلانديا الىپبيىندە س، Q، W جانە Z سىندى لاتىن ارىپتەر جوق.