ق ر ۇلتتىق بانك قارجىنى نەگە سالعان ءتيىمدى ەكەنىن ايتتى
سايتتا جاريالانعان مالىمەتتەرگە قاراعاندا، ەسەپ قورىتىندىسىن شىعارۋ بارىسىندا جەكە تۇلعالاردىڭ قازاقستاندىق بانكتەردەگى ءتۇرلى ۆاليۋتامەن - تەڭگەمەن، رەسەي رۋبلىمەن (قازاقستان رەسپۋبليكاسىنداعى بانكتەردەگى دە، رەسەي فەدەراتسياسىنداعى بانكتەردەگى دە)، اقش دوللارىمەن جانە ەۋرومەن بانكتىك سالىمدارى، قولما- قول دوللاردىڭ، ەۋرونىڭ، رەسەي رۋبلىنىڭ جانە قولما- قول تەڭگەنىڭ ساقتالۋى، سونداي- اق التىنعا ينۆەستيتسيالاۋ تاسىلدەرى تاڭداپ الىندى.
ەۋروعا سالىنعان سالىمدار
2017 -جىلى ەڭ كوپ كىرىستى باعام ايىرماسىنا بايلانىستى ەۋروعا سالىنعان سالىمدار اكەلدى. ەۋروايماقتاعى جاعىمدى وزگەرىستەر ناتيجەسىندە (ەكونوميكانىڭ ءوسۋ قارقىنىنىڭ جىلدامداۋى، ينفلياتسيانىڭ تومەن دەڭگەيىنىڭ ساقتالۋى، ەۋروايماقتىڭ ءبىرقاتار ەلدەرىندە ساياسي تاۋەكەلدەردىڭ تومەندەۋى) 2017 -جىلى ەۋرو دوللارعا قاتىستى %12,3 عا نىعايدى. سونىڭ ناتيجەسىندە قازاقستاننىڭ دەپوزيتتەرگە كەپىلدىك بەرۋ قورى بەلگىلەگەن سالىمدار بويىنشا سىياقىنىڭ ەڭ جوعارعى مولشەرلەمەسىن ەسەپتەگەندە ەۋرومەن مەرزىمدى دەپوزيتتەر بويىنشا كىرىس 15,3%1 بولدى، ال قولما- قول ەۋرومەن جيناق اقشانى ساقتاۋ %13 عا (2017 -جىلى ەۋرونىڭ تەڭگە قاتىستى نىعايۋى) تەڭ بولاتىن كىرىس اكەلدى.
تەڭگەمەن دەپوزيتتەرگە سالىنعان سالىمدار
ەۋرومەن سالىنعان دەپوزيتتەرمەن سالىستىرعاندا تەڭگەمەن سالىنعان دەپوزيتتەر دە جىل ىشىندە %14,9 مولشەردەگى كىرىستى قامتاماسىز ەتە وتىرىپ، كىرىس اكەلدى (ەسەپتەۋ كەزىندە جەكە تۇلعالاردىڭ ۇلتتىق ۆاليۋتامەن سالىنعان دەپوزيتتەرى بويىنشا قازاقستاننىڭ دەپوزيتتەرگە كەپىلدىك بەرۋ قورى ۇسىنعان ەڭ جوعارى مولشەرلەمە پايدالانىلدى، ول 2016 -جىلعى 1 -اقپاندا 14% بولدى).
رەسەي رۋبلىمەن سالىنعان سالىمدار
كىرىس بويىنشا كەلەسى ورىندا رۋبلمەن سالىنعان دەپوزيتتەر بولدى. 2017 -جىلى رەسەي ءرۋبلى تەڭگەمەن سالىستىرعاندا كوبىنەسە رەسەيدەگى ينفلياتسيا دەڭگەيىنىڭ نەعۇرلىم تومەن بولۋى، سونداي-اق قازاقستان ۇلتتىق بانكىنىڭ بازالىق مولشەرلەمەسىمەن سالىستىرعاندا رەسەي ورتالىق بانكىنىڭ نەگىزگى پايىزدىق مولشەرلەمەسىنىڭ ناقتى كورسەتكىش بويىنشا نەعۇرلىم جوعارى بولۋى ناتيجەسىندە %6,3 عا نىعايدى.
وسىلايشا، اقشانى رەسەيدىڭ جانە قازاقستاننىڭ بانكتەرىندەگى رۋبلمەن سالىنعان سالىمدارعا ورنالاستىرعان كەزدە كىرىستىلىك رەسەي بانكتەرىندەگى جىلدىق سالىمدار بويىنشا ورتاشا الىنعان مولشەرلەمە جانە قازاقستاننىڭ دەپوزيتتەرگە كەپىلدىك بەرۋ قورى بەلگىلەگەن سالىمدار بويىنشا سىياقىنىڭ ەڭ جوعارى مولشەرلەمەسى نەگىزىندە تيىسىنشە، %13,4 جانە %8,3 بولدى. كورسەتىلگەن كەزدە جيناق اقشانى قولما- قول رەسەي رۋبلىمەن ساقتاعان كەزدە وتكەن جىلى %6,3 عا تەڭ كىرىس الۋعا بولاتىن ەدى.
التىنعا سالىنعان سالىمدار
التىنعا سالىنعان سالىمدار التىن باعاسىنىڭ %13,1 عا ءوسۋى جانە تەڭگەنىڭ
ا ق ش دوللارىنا %0,3- عا نىعايۋى ناتيجەسىندە %12,8 مولشەرىندە كىرىستىلىك اكەلدى. 2017 -جىلى دۇنيەجۇزىندە التىننىڭ ءىرى ساتىپ الۋشىسى رەتىندە قىتاي، التىندى سانكتسيالاردىڭ تەرىس اسەرىنەن قورعاۋ قۇرالى رەتىندە پايدالاناتىن رەسەي، سونداي-اق تاياۋ شىعىس ەلدەرى جانە لاتىن امەريكاسىنىڭ كەيبىر ەلدەرى تاراپىنان ۇدەمەلى سۇرانىس التىن باعاسىنىڭ ءوسۋىنىڭ نەگىزگى فاكتورى بولدى.
ا ق ش دوللارىنا سالىنعان سالىمدار
2017 -جىلى تەڭگەنىڭ ا ق ش دوللارىنا %0,3- عا نىعايۋى اياسىندا وسى ۆاليۋتاعا سالىنعان سالىمدار ينۆەستيتسيالاۋدىڭ ەڭ ناشار نۇسقاسى بولدى. وسى جەردە جانە بۇدان ءارى نومينالدى كىرىستىڭ تەڭگەمەن بالاماسى كورسەتىلەدى، مەرزىمدى دوللار سالىمدارى بويىنشا كىرىس %1,7 بولدى، ال قولما- قول ا ق ش دوللارىن ساقتاۋ %0,3 مولشەردە تەرىس كىرىس اكەلدى. جىلدىق ينفلياتسيانىڭ دەڭگەيىن ەسكەرە وتىرىپ، 2017 -جىلى %7,1 بولاتىن قولما- قول تەڭگەگە، رەسەي رۋبلىنە، ا ق ش دوللارىنا سالىنعان سالىمدار ناقتى كىرىستىلىك بويىنشا تەرىس كورسەتكىشتەر اكەلدى.
