بەت كۇتىمى جانە ءاجىمدى كەتىرۋ

استانا. قازاقپارات - بەتكە كۇتىمىنە قولدانىلاتىن كوپتەگەن تاسىلدەر بار.

ءبىرىنشى ەرەكشە تازارتاتىن ءتاسىل

بەتىڭىزدى ابدەن جۋىپ بولعان سوڭ، سابىن كوبىگىنە ءبىر شوكىم قانتتى سالىپ، ابدەن ارالاستىرىپ، وسى كوبىكپەن بەتىڭىزدى ۋقالاپ (ماسساج)، بىرنەشە مينۋت تۇرا تۇرىڭىز. سودان سوڭ جىلى سۋمەن جۋىپ تاستاڭىز. مۇنداي تازالاۋ ءادىسى ءارى كەتكەن جانە بەزەۋ شىققان بەت تەرىسىنە وتە پايدالى.

تەرىڭىز قۇرعاق بولسا

ىدىسقا 1,5 اس قاسىق قانت پەن جارتى اس قاسىق سۋ قۇيىڭىز. وتتى وتە جاي قويىپ، سوعان قويىڭىز. قوسپا قاتتى بولا باستاعاندا وتتان الىپ، ابدەن سوعىلعان جۇمىرتقانىڭ سارىسىن قوسىڭىز. بىرەر مينۋتقا تاعى دا جاي جانىپ جاتقان وتقا قويىپ، 1 شاي قاسىق ليمون شىرىنىمەن ارالاستىرىڭىز. بۇل - قۇرعاق تەرىنى تازالايتىن تاپتىرمايتىن ءتاسىل.

جۋىنۋعا ارنالعان سۇيىقتىق

كوكونىستەر، اسىرەسە قىرىققابات (كاپۋستا)، بۇرشاققاپ (بوب) قايناتىلعان سۋلار وتە دارۋمەندەندىرىلگەن سۇيىقتىق بولىپ تابىلادى. ولاردى جاڭا قايناپ بولعان كۇيىندە پايدالانعان ءتيىمدى. ۇنەمى قولدانىپ تۇرساڭىز، تەرىڭىزدىڭ كۇننەن- كۇنگە قۇلپىرىپ كەلە جاتقانىن بايقاۋ قيىن ەمەس. دەرموتولوگتەر سىرانىڭ نەمەسەشاراپتىڭ كوبىگىن تەرىگە جاقسا، ەشقانداي داق قالمايتىنىنا كەڭەس بەرەدى.

تەرىگە ارنالعان تاعى دا ءبىر تۇنبا: 50 گ اقشەشەك (تىسياچەليستنيك) پەن لاۆاندا قوسىندىسىن 1 ستاقان سۋعا سالىپ، باسەڭ وتتا 15 مينۋت قايناتىپ، سونان سوڭ ءسۇزىپ الىپ، شىنى ىدىسقا قۇياسىز. وسى تۇنبانى تاڭەرتەڭ جانە كەشكە بەت جانە مويىن تەرىسىنە جاقسا، تەرى قۇلپىرىپ، جۇمسارادى.

ءاجىمدى كەتىرۋ

قياردىڭ جارتىسىن سىعىپ، شىرىنىن الىپ، جۇمىرتقانىڭ اعىمەن، ءبىر اس قاسىق ليمون شىرىنىمەن، ءبىر اس قاسىق اراقپەن، بىرنەشە تامشى قارامايمەن (بەنزوينايا سمولا) ابدەن كوبىك بولعانشا ارالاستىراسىز. پايدا بولعان سۇيىقتىقپەن بەتتى ءسۇرتۋ كەرەك.

بەت ماسكالارى:

سۇتتەن

ماسكالار ءاجىمدى ازايتىپ، جازىپ، قاننىڭ اينالىسىن جاقسارتاتىنى ەشكىمگە تانسىق ەمەس. سىزدەردىڭ نازارلارىڭىزعا تاعى دا بىرنەشە اسەرى كۇشتى ماسكالاردى ۇسىنىپ وتىرمىز. ءسۇت ماسكاسى ەڭ ارزان ءارى قاراپايىم. ماقتانىڭ كىشكەنە بولىگىن سۇتكە مالىپ الىپ، بەت جانە مويىن تەرىسىن ءسۇرتىڭىز.

ءسابىز بەن شالقاننان

پىسىرىلگەن ءسابىز بەن شالقاندى (رەپا) ابدەن ۇنتاقتاپ، قويمالجىڭ بولعانشا ارالاستىراسىز. بەتىڭىزگە 10-15 مينۋتقا قويا تۇرىپ، سوسىن سۇتپەن جۋىپ تاستايسىز. بۇل ماسكا تەرىنى جاس ءارى تازا ەتەدى. ءسابىز ا دارۋمەنىنە باي، ال شالقان جاقسى تازارتاتىن زات بولىپ تابىلادى.

المادان

تەرىسى توزىپ بارا جاتقان بەتكە ۇگىتىلگەن الماعا 1 اس قاسىق ىرىمشىك، ءسۇت نەمەسە قايماق قوسىپ، جاقسىلاپ ارالاستىرادى. وسى قوسپاعا تەرىڭىز قۇرعاق بولسا، وسىمدىك مايىن، قايماق قوسىپ، بەتتە 15-20 مينۋت ۇستايدى. سوڭىنان سالقىن سۋمەن جۋىپ تاستايدى.

المانىڭ قويمالجىڭ قوسپاسىنا1 شاي قاسىق بال، 1 اس قاسىق ۇساقتالعان سۇلى داندەرىن قوسىپ، ءبارىن ارالاستىرادى. بەتكە 15 مينۋت ۇستاپ، جىلى سۋمەن جۋىپ تاستايدى. بۇل ءالسىز، جۇقارعان بەتكە پايدالى.

پىسىرىلگەن الما قويمالجىڭىنا بىرنەشە ءزايتۇن مايىن (وليۆكوۆوە ماسلو) تامىزادى، وعان 1 شاي قاسىق بال اراالستىرادى. بۇل ماسكا تەرىنىڭەرتە قارتايۋىنا قارسى جاسالعان، وتە پايدالى.

كارتوپتان

ءبىر اس قاسىق كارتوپ شىرىنىن ءبىر اس قاسىق فۋللەرلى توپىراقپەن ارالاستىرىپ، بەتكەجاعاسىز. كارتوپ س دارۋمەنىنە باي ءارى تەرىنى ءتۇرلى داقتاردان تازارتادى. فۋللەرلى توپىراق كىر مەن مايدى سورىپ الادى.

قۇلپىنايدان

3 ءتۇيىر قۇلپىنايدى (كلۋبنيكا) ەزىپ، بەتىڭىزگە جاعاسىز. تەرىدە 10 مينۋت قالدىرىپ، سوسىن سۋمەن شايىپ تاستايسىز. قۇلپىنايدا س دارۋمەنى بار، ول تەرىنى جاقسى تازارتادى. تەرىنى جاقسى تازالايتىن تاعى ءبىر ماسكا: شابدالىنىڭ جارتىسىن ەزىپ، ءبىر اس قاسىق كونياكپەن ارالاستىراسىز. تەرىدە مۇنى دا 10 مينۋت قويىپ، شايىپ تاستاڭىز، كوز الدىڭىزدا تەرىڭىزجاسارا تۇسەدى.

جۇمىرتقادان

ءبىر جۇمىرتقانىڭ اعىن الىپ، ابدەن بىلعاپ، بەتكە جاعاسىز. 10-20 مينۋت قالدىراسىز. ماسكا تەرىنىڭ اجىمدەرىن جازىپ، جيىرادى. بولعان سوڭ سالقىن سۋمەن جۋىپ تاستايسىز.

جۇمىرتقا مەن اشىتقىدان

جۇمىرتقانىڭ سارىسىن، ءبىر اس قاسىق سىرا اشىتقىسىن، ءبىر اس قاسىق كۇنباعىس مايىن ابدەن ارالاستىرىپ، بەتىڭىزگە جاعاسىز دا، 15 مينۋتكە قالدىراسىز. سوسىن سۇتپەن شايىپ تاستايسىز. بۇل ماسكانى بەت تەرىسىندە داعى بار ادامدار قولدانسا دا وتە پايدالى.

بارلىق بەت تەرىسىنە ارنالعان

المانىڭ جارتىسىن الىپ، تازالاپ ۇساقتاپ تۋراپ، ءبىر اس قاسىق بال، ءبىر اس قاسىق اسكوربين قىشقىلىن، ءبىر جۇمىرتقانىڭ سارىسىن، ءبىر اس قاسىق الما سىركەسۋىن ءۇش اس قاسىق سۇيىق مايمەن ابدەن ارالاستىراسىز. 30 مينۋتقا بەت تەرىسىنە قالدىرىپ، سالقىن سۋمەن شايىپ تاستايسىز. بۇل - بارلىق بەت تەرىسىنە ارنالعان، اسەرى وتە كۇشتى ماسكا. سىركەسۋى تەرىنىڭ قىشقىل قاباتىن قالپىنا كەلتىرەدى، المانىڭ قۇرامىندا ەمدىك قاسيەتى كۇشتى پەكتين بار، اسكوربين قىشقىلى، بال، جۇمىرتقا سارىسى، ماي تەرىنى قورەكتەندىرەدى