الماتى مەتروسىنادا پەيزاجدار مەن مۇسىندەر كورمەسى ءوتتى - فوتو

الماتى. قازاقپارات - «المالى» مەترو ستانسياسىندا جەرگىلىكتى ونەرلى جاستاردىڭ قولىنان شىققان تۋىندىلاردىڭ كورمەسى مەن كونسەرتى ءوتتى، دەپ حابارلايدى «قازاقپارات» ح ا ا  ءتىلشىسى.

«المالى» مەترو ستانسياسى ەلىمىزدەگى ەڭ باستى ونەر وشاقتارى جۇرگەنوۆ اتىنداعى قازاق ۇلتتىق ونەر اكادەمياسى مەن قۇرمانعازى اتىنداعى ۇلتتىق كونسەرۆاتوريانىڭ ماڭىندا ورنالاسقان. ق ر پرەزيدەنتىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ اياسىندا 31 -قاڭتار كۇنى 16.00-دە استانانىڭ 20 جىلدىعىنا ارنالعان جاس سۋرەتشىلەر مەن ونەر يەلەرىنىڭ شىعارماشىلىق كورمەسى ءوتتى.

 

ستانسياعا كەلگەن جولاۋشىلار بىردەن شىعارماشىلىق الەمىنە ەنگەندەي اسەردە بولدى. باعدارلاما اياسىندا جۇرگەنوۆ اتىنداعى ۇلتتىق ونەر اكادەمياسىنىڭ جاس تالانتتارى مەن ايگىلى قىلقالام شەبەرلەرىنىڭ دە جۇمىستارى تانىستىرىلدى