استانادا مۇقاباسى ادام تەرىسىنەن جاسالعان كىتاپ حالىقتى تاڭعالدىردى

 استانا. قازاقپارات - استانا قالاسىندا ۇلتتىق اكادەميالىق كىتاپحانادا مۇقاباسى ادام تەرىسىنەن جاسالعان كىتاپ حالىق نازارىنا ۇسىنىلدى.

كىتاپ 1532 -جىلى شىعارىلعان، «تاڭعاجايىپ كىتاپتار مەن قولجازبالار» كورمەسىنە قويىلدى.

«قولجازبا لاتىن تىلىندە جازىلعان. ونى ەشكىم وقىماپتى، نە تۋرالى ەكەنىن ەشكىم بىلمەيدى. بۇل ءولى ءتىل. بىرەۋدىڭ كۇندەلىگى بولسا كەرەك، مۇقاباسى اق ءناسىلدى ادامنىڭ تەرىسىنەن جاسالعانى كورىنىپ تۇر»، - دەپ جاۋاپ بەردى كىتاپحانا باسپا ءسوز قىزمەتى Sputnik قازاقستان اگەنتتىگىنە.

بەس عاسىر بۇرىن شىققانىنا قاراماستان، كىتاپ جاقسى ساقتالعان. ۇلتتىق كىتاپحانادا ارنايى تەمپەراتۋرادا ساقتالادى.

«كىتاپتىڭ قازاقستانعا قايدان كەلگەنىن ايتا المايمىن، ونى ناقتى بىلمەيمىز. ءبىزدىڭ سيرەك كەزدەسەتىن كىتاپتار قورىندا بولعان. بەس عاسىر ىشىندە ادامنىڭ تەرىسى ءبىراز جيىرىلىپ قالىپتى»، - دەپ جازدى باسپا ءسوز قىزمەتى.

كورمە 28 - اقپانعا دەيىن سوزىلادى.