08:32, 01 - اقپان 2018 | GMT +5
اتىراۋدا بالاسىنا باعىماقى تولەمەگەن ازامات جۇرگىزۋشى كۋالىگىنەن ايىرىلدى
اتىراۋ. قازاقپارات - اتىراۋ وبلىسىندا اليمەنتكە قارىز ازاماتتى جۇرگىزۋشى كۋالىگىنەن ايىردى، دەپ حابارلايدى قازاقپارات.
«يندەر اۋداندىق سوتىنا اۋدان ايماعى سوت اكتىلەرىن ورىنداۋ ءبولىمىنىڭ سوت ورىنداۋشىسى ۇسىنىس ءتۇسىردى. ونىڭ سوزىنشە، ەر ازاماتتىڭ اليمەنتكە 1 ميلليون 334 مىڭ تەڭگە كولەمىندە بەرەشەگى بار. ول سوت شەشىمى بار ەكەندىگىنە قاراماستان قارىزىن وتەمەي وتىر. بەرەشەك ازاماتتىڭ جەكە كولىگى بار. سوت ورىنداۋشىسى سوتتان اليمەنتكە قارىز ازاماتتىڭ بەرەشەگىن تولىق وتەمەيىنشە، جۇرگىزۋشى كۋالىگىنىڭ كۇشىن جويۋدى سۇرادى»، - دەپ حابارلادى يندەر اۋداندىق سوتىنىڭ باسپا ءسوز قىزمەتى.
ۇسىنىلعان قۇجاتتاردى مۇقيات زەردەلەگەن سوت سوت ورىنداۋشىسىنىڭ ۇسىنىسىن قاناعاتتاندىردى. بورىشكەر ازاماتتىڭ كولىك جۇرگىزۋگە قۇقىق بەرەتىن جۇرگىزۋشى كۋالىگىنىڭ كۇشى قارىز تولىق تولەنگەنگە جويىلدى.
