قازاقستاندىق كۋرسانتتار تۇركيانىڭ اسكەري وقۋ ورىندارىندا ءبىلىم الۋى مۇمكىن

استانا. قازاقپارات - انكارا قالاسىندا اسكەري ىنتىماقتاستىقتىڭ جاي- كۇيى مەن بولاشاعى ماسەلەلەرى جونىندە قازاقستان مەن تۇركيا قورعانىس ۆەدومستۆولارى اراسىندا شتابتىق كەلىسسوزدەر جۇرگىزىلدى.

 بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى. كەلىسسوزدەر بارىسىندا تاراپتار اسكەري ءبىلىم بەرۋدى، ونىڭ ىشىندە كۋرسانتتاردى تۇركيانىڭ اسكەري وقۋ ورىندارىندا وقىتۋ جانە جاۋىنگەرلىك دايارلىقتى ارى قاراي دامىتۋ ماسەلەلەرىن تالقىلادى. كەلىسسوزدەر قورىتىندىسى بويىنشا تاراپتار 2018 - جىلعا ارنالعان اسكەري ىنتىماقتاستىق جوسپارىنا قول قويدى. ساپار شەڭبەرىندە تۇركيا قارۋلى كۇشتەرىنىڭ قۇرلىق اسكەرلەرىندە ءبىلىم الىپ جاتقان قازاقستاندىق كۋرسانتتارمەن كەزدەسۋ ۇيىمداستىرىلدى.

www.24.kz