كەلىمبەتوۆ «استانا» حالىقارالىق قارجى ورتالىعىنىڭ تۇساۋكەسەرى تۋرالى ايتىپ بەردى
دەپ حابارلايدى قازاقپارات ءتىلشىسى.
«ەستەرىڭىزدە بولسا، ءبىز استاناعا 1997 -جىلى جەلتوقسان ايىندا كوشىپ كەلدىك. ال كەلەسى جىلى 5 شىلدە كۇنى ەلوردانىڭ حالىقارالىق تۇساۋكەسەرى وتكەن بولاتىن. سول سەبەپتى «استانا» حالىقارالىق قارجى ورتالىعىنىڭ رەسمي تۇساۋكەسەرى دە وسى كۇنگە بەلگىلەنىپ وتىر»، - دەدى «استانا» حقو باسشىسى قايرات كەلىمبەتوۆ.
ونىڭ ايتۋىنشا، سالتاناتتى شارا «Astana financial days» اتتى ۇشكۇندىك فورۋم اياسىندا ۇيىمداستىرىلادى. سول جەردە يسلامدىق قارجىلاندىرۋ، بلوكچەين، سيفرلىق تەحنولوگيالار جانە تاعى باسقا ماسەلەلەر كەڭىنەن تالقىلانادى.
«ال 5 - شىلدە كۇنى ءبىز استانا اكىمدىگىمەن بىرلەسە وتىرىپ، «استانا» حالىقارالىق قارجى ورتالىعىنىڭ تانىستىرىلىمىن وتكىزۋدى جوسپارلاپ وتىرمىز. بۇگىندە ارنايى كوميسسيا دا قۇرىلدى. مەملەكەت باسشىسى نۇرسۇلتان نازاربايەۆ الەمنىڭ جەتەكشى ينۆەستورلارىن شاقىردى. پرەزيدەنتتىڭ ءوزى قاتىسادى دەگەن جوسپار بار»، - دەپ اتاپ كورسەتتى ق. كەلىمبەتوۆ.
«جالپى، ءۇش جىلدا بارلىق قارجى ينستيتۋتتارىنىڭ جۇمىسىنا جىل سايىن شامامەن 20 ميلليارد تەڭگە بولىنەدى. بيىلعى بيۋدجەتتە دە سونداي سوما قاراستىرىلعان. حالىقارالىق قارجى ورتالىعىنىڭ بيرجاسى ءۇش- بەس جىلدىڭ ىشىندە ءوزىن- ءوزى اقتايتىن دارەجەگە جەتەدى دەگەن جوسپار بار. سودان باستاپ بيۋدجەتتەن بولىنەتىن اقشا بىرتىندەپ ازايادى»، - دەدى ق. كەلىمبەتوۆ ۇكىمەت ۇيىندە وتكەن باسپا ءسوز ءماسليحاتىندا.
ونىڭ سوزىنە قاراعاندا، بەس جىلدىڭ ىشىندە «استانا» حالىقارالىق قارجى ورتالىعى، كەم دەگەندە، 3-5 ميلليارد ا ق ش دوللارىن تارتۋى ءتيىس.
«جالپى، ون جىلدان كەيىن قارجى ورتالىعى ارقىلى قازاقستانعا 40 ميلليارد دوللارعا دەيىن اقشا تارتىلادى. ارينە، وعان جەكەشەلەندىرۋ شارالارى دا ءوز سەپتىگىن تيگىزەدى»، - دەپ اتاپ كورسەتتى ق. كەلىمبەتوۆ.
ايتا كەتەيىك، «استانا» ح ق و اعىمداعى جىلى 1- قاڭتاردان باستاپ ءوز جۇمىسىنا كىرىسكەن بولاتىن. ورتالىق نەگىزىندە سوت پەن اربيتراج اپپاراتى قۇرىلدى. مەملەكەت باسشىسىنىڭ قاۋلىسىمەن سوت ءتوراعاسى دا تاعايىندالدى. ودان بولەك، تاعى 9 سۋديا بار. بيرجانىڭ نەگىزگى ارىپتەستەرى دە انىقتالدى.
اۆتور: ارمان اسقاروۆ
