قازاقستاندىقتار ايدىڭ ەرەكشە قۇبىلىسىن تاماشالاي الادى
اي تۇتىلۋ كەزىندە پەريگەي نۇكتەسىنە جاقىن بولادى. ايدىڭ كورىنەتىن ديامەترى شامامەن 8 پايىزعا ارتادى، ال جەر سەرىگى قىزعىلت تۇسكە بويالادى، دەپ جازادى ماسكەۋ پلانەتاري سايتى.
31 - قاڭتاردا استانا ۋاقىتىمەن ساعات 15:48-دەن 21:11-گە دەيىن ايدىڭ تۇتاستاي تۇتىلۋى رەسەيدە بايقالادى. سونداي- اق، بۇل قۇبىلىس شىعىس ەۋروپادا، شىعىس افريكادا، ازيادا، اۋستراليادا، تىنىق مۇحيتى مەن سولتۇستىك امەريكادا كورىنەدى. اي وربيتاداعى قوزعالىسى كەزىندە جەردىڭ وڭتۇستىك بولىگىندەگى كولەڭكەسىنە تۇسپا- تۇس كەلەدى. جەردىڭ كولەڭكەسى ايدىڭ كورىنەتىن بەتىن تولىعىمەن تورلاپ، ونى قىزعىلت تۇسكە بويايدى.
ايدىڭ ەرەكشە قۇبىلىسىن قازاقستاندا دا بايقاۋعا بولادى، دەدى ءبىزدىڭ اگەنتتىككە قازاقستاندىق استروفيزيك ۆيكتور تەيفەل.
«ايدىڭ ەرەكشە قۇبىلىسىن جەرگىلىكتى ۋاقىتپەن ساعات 20.08-دەن باستاپ تاماشالاۋعا بولادى. ول ءبىر ساعاتقا، ياعني 21.11-گە دەيىن جالعاسادى»، - دەدى استروفيزيك.
ايدىڭ كەلەسى تۇتىلۋى 2018 -جىلدىڭ 27 - شىلدەسىندە بولادى. تابيعاتتىڭ بۇل قۇبىلىسى دا رەسەي مەن ت م د- دا جاقسى كورىنەدى
