موتوتسيكلدە كەلە جاتقان ەر ادامدى جىلان بۋىندىرىپ ءولتىردى

استانا. قازاقپارات - مالايزيا تۇرعىنى موتوتسيكلدە كەلە جاتقاندا ونى جىلان بۋىندىرىپ ءولتىردى.

بۇل تۋرالى Daily Mail جازادى.

35 جاستاعى جۇمىسسىز زايم حاليس كوسنان (Zaim Khalis Kosnan) جىلاندى جەكسەنبى كۇنى تاڭەرتەڭ ۇيىنە كەلە جاتقاندا كورەدى. كەيىن ول جىلاندى الىپ كەتۋ ءۇشىن قولعاپ پەن جىلان اۋلايتىن قۇرالىن الىپ قايتىپ كەلەدى. ول جىلاندى ساتپاقشى بولادى. ءزايمنىڭ وسىلاي جاساعىسى كەلگەنىن ونىڭ اپكەسى ايتىپ بەردى. كوسنان جىلاندى ۇستايدى، ءبىراق ۇيىنە دەيىن جەتكىزە المايدى. ويتكەنى ەر ادام ونىڭ باسىنان ۇستاپ، موتوتسيكلمەن كەلە جاتقاندا، جىلان ونى قىلعىندىرىپ تاستايدى.

قايتىس بولعان ادامنىڭ دەنەسى سول كۇنى تاڭەرتەڭ بىرنەشە ساعات وتكەن سوڭ تابىلدى. جەرگىلىكتى تۇرعىندار كوسناننىڭ دەنەسىن بوساتۋ ءۇشىن جىلاندى ولتىرەدى. ونىڭ ۇزىندىعى ءۇش جارىم مەترگە جۋىق بولعان.

پوليتسيانىڭ دەرەكتەرىنە سايكەس، جىلان كوسناندى قىلعىندىرا باستاعان كەزدە ول موتوتسيكلدەن قۇلاعان.

Вaq.kz