اقوردا پرەزيدەنتتىڭ ارحيۆتەگى سۋرەتىن جاريالادى

استانا. قازاقپارات - اقوردانىڭ باسپا ءسوز قىزمەتى ءوزىنىڭ الەۋمەتتىك جەلىدەگى پاراقشاسىندا ارحيۆ سۋرەتتەرى مەن «تاۋەلسىزدىك ءداۋىرى» كىتابىنان ءۇزىندىنى جاريا ەتتى.

«1998 -جىلى اۋەجايدان كەلە جاتقان جولدا «ەلىمىزدىڭ جاڭا ورتالىعىن «استانا» دەپ اتاۋدى دۇرىس كورەم» دەپ، ويىمدا جۇرگەن ءسوزدىڭ ۇشتىعىن شىعارىپ قالعان ەدىم. كەشقۇرىم رەزيدەنتسيادا استانا اتاۋىنا بايلانىستى اڭگىمەمىز جالعاستى.

«استانا» دەپ اتاۋعا نە سەبەپتى ىقىلاسىم اۋعانىن ايتىپ، دالەلدى دايەكتەر كەلتىردىم. «بىرىنشىدەن، «استانا» ءسوزىنىڭ ماعىناسى ايقىن. ەلدىڭ باس قالاسى ۇعىمىن بىلدىرەدى. ەكىنشىدەن، ساياسي جانە تاريحي تۇرعىدان العاندا دا، اركىم ءارقالاي ءتۇسىنىپ، قابىلدايتىنداي اتاۋ ەمەس. ۇشىنشىدەن، «استانا» دەگەن ءسوزدىڭ ءوزى قالانىڭ اتقاراتىن قىزمەتىن كورسەتىپ تۇر.

مەملەكەتتىك تىلدە ايتساڭ دا، باسقا تىلدە ايتساڭ دا، قۇلاققا جاعىمدى، ايدىندى اتاۋ. ونىڭ ۇستىنە: جاڭا استانالار تۇساۋكەسەرىندە قالا اتاۋى - الەم مەملەكەتتەرى باس قالالارىنىڭ تىزىمىنە ەنىپ، قالا سيمۆولىنا اينالۋى دا مۇمكىن»، - دەگەن ەدىم»، - دەپ جازدى ەلباسى كىتابىندا.

ايتا كەتەيىك، كىتاپتىڭ تانىستىرىلىمى 15 -جەلتوقساندا استانادا جاسالدى.