ەڭ قاۋىپتى تاعام ءتۇرى انىقتالدى

استانا. قازاقپارات - حولەستەرينگە باي جانۋاردان الىناتىن ونىمدەر قاتەرلى ىسىكتىڭ دامۋىن ارتتىرىپ، ولاردىڭ ءوسۋ قارقىنىن جوعارىلاتادى.

لوس-اندجەلەستەگى كاليفورنيا ۋنيۆەرسيتەتىنىڭ عالىمدارى انىقتاپ، وسىعان بايلانىستى Cell Stem Cell باسىلىمىندا ماقالا جاريالاعان.

زەرتتەۋ جۇرگىزۋ ءۇشىن، عالىمدار گەنەتيكالىق تۇرلەندىرىلگەن تىشقاندى قولدانعان. وندا تىشقانداردىڭ Lpcat3 فەرمەنتىن كودتايتىن گەندەرى وزگەرتىلگەن.

جاسۋشالاردىڭ مەمبراناسىنان تۇراتىن بۇل اقۋىز فوسفوليپيدتەردىڭ سينتەزىن باقىلايدى. ونى توقتاتاتىن بولسا، حولەستەرين دەڭگەيى ارتا تۇسەدى.

حولەستەرين كونسەنتراتسياسىنىڭ ۇلعايۋى ىشەك تىندەرىندەگى جاسۋشالاردىڭ ءوسۋىن جانە ءبولىنۋىن قامتاماسىز ەتەدى.

اعزادا كەمىستىگى بار جاسۋشالاردىڭ كوبەيۋىنەن قاتەرلى ىسىك پايدا بولادى. حولەستەرين تەك قانا توق ىشەك جاسۋشالارىنىڭ جۋانداۋىنا عانا ەمەس، سونداي-اق سول تىندەگى ىسىكتەردىڭ جىلدام وسۋىنە الىپ كەلەدى. دەگەنمەن، حولەستەرين قاتەرلى ىسىكتىڭ باسقا دا تۇرلەرىن دامىتا الا ما، ول ءالى بەلگىسىز.

ايتا كەتەيىك، قاتتى مايلى جانە كومىرتەكتەرگە باي تاعامدار اعزاداعى حولەستەرين مولشەرىن ارتتىرادى. ءارتۇرلى اۋرۋلاردىڭ الدىن الۋ ءۇشىن ساراپشىلار قىزىل ەت پەن ءسۇت ونىمدەرىن تۇتىنۋدى ازايتۋعا كەڭەس بەرەدى.