ايساۋلە: قازاق بولعانىما ماقتانامىن، امەريكالىقتارعا ورىسشا سويلەيتىنىمىزدى ايتۋعا ۇيالامىن
بايان ماقسات قىزىنىڭ قىزى قازاق بوپ تۋعانىن ماقتانىش ەتەتىنىن مالىمدەدى. سونداي- اق، شەتەلدە جۇرگەن ايساۋلە تۋعان جەرگە ورالۋعا اسىعىپ وتىرعانىن جاسىرمادى.
ايساۋلە شەتەلدە جۇرگەندە قازاقستان تۋرالى ماقتانىشپەن ءسوز ەتەتىنىن اتاپ ءوتتى.
«قازاق بولعاندى جاقسى كورەمىن. اسىرەسە، شەتەلدە قازاق بولۋ بارىنەن كۇشتى نارسە. ءبىراق كوبىنەسە ورىسشا سويلەيمىز دەپ ايتۋعا ۇيالامىن. قازاقستاندا ەلدىڭ ءبارى تەك مەملەكەتتىك تىلدە سويلەيدى دەپ وتىرىك ايتۋدى ادەتكە اينالدىرىپ الدىم»، - دەيدى ول.
بويجەتكەننىڭ ايتۋىنشا، امەريكادا قازاقستاننىڭ قانداي ەل ەكەنىن بىلەتىندەر دە، بىلمەيتىندەر دە بار. ەكىنشىلەرىنە وتانىم تۋرالى ايتقاندى ۇناتامىن، دەيدى بايان ماقسات قىزىنىڭ قىزى.
«جالپى ءوز تۇقىمىمىزدا دارا ۇلتپىز دەپ ويلايمىن. ازياتپىز، ءبىراق قىتاي مەن جاپوندارعا اسا ۇقسامايمىز، تەك كوزىمىزدىڭ قىسىڭقى كەلەتىنىن ەسەپتەمەسەك... ءبىراق ولارمەن ەشقانداي تۋىستىق بايلانىسىمىز جوق ەكەنىن ءتۇسىندىرۋدىڭ ءوزى ءبىر عانيبەت. ءتىلىمىز تۇركىگە جاتادى، سوعان قاراماستان ورىس ءتىلىن بىلەمىز، اعىلشىن تىلىندە دە ەركىن سويلەيمىز. كەي ادامدار قازاقستاننىڭ قايدا ەكەنىن جانە قانداي ەل ەكەنىن بىلەدى. ال ەندى كەيبىرەۋلەر ءبىزدى پاكىستانمەن، اۋعانستانمەن شاتاستىرادى. وندايلارعا ءبىزدىڭ ەلىمىزدە تىنىشتىق جانە مۇنايدىڭ كوپ ەكەنىن، ءتىپتى كەي شەنەۋنىكتەردىڭ Porsche Cayenne-مەن جۇرەتىنىن قۋانا تۇسىندىرەمىن.
سونداي-اق، امەريكاعا ازاماتتىق الۋ ءۇشىن ەمەس، ءبىلىم ىزدەپ، ونى وتانىمىزدىڭ يگىلىگىنە جۇمساۋ ماقساتىندا كەلگەنىمىزدى جانىم كىرىپ تۇسىندىرەمىن. مۇنداعى دوستارىمدى قازاقستانعا قوناققا شاقىرامىن. باسقا ەشبىر ەلدە بىزدەگىدەي قوناقجايلىلىق تانىتپايتىنىن ايتامىن»، - دەيدى ايساۋلە.
ايساۋلە تۋعان جەرىن ساعىنعانىن اتاپ ءوتىپ، جاقىندا ەلگە ورالاتىنىن ايتتى.
