رەسەيدىڭ اتىنان ويناپ جۇرگەن قازاقستاندىق شاحماتشى قىزدىڭ باسى داۋعا قالدى
وعان رەسەيلىك شاحمات جاتتىقتىرۋشىسى جارىس كەزىندە الاياقتىق جاسادى دەگەن ايىپ تاققان.
بۇل تۋرالى وسى ىستە ءبيبىساراعا كومەكتەسكەن، رەسەيدىڭ تانىمال ادۆوكاتى الەكساندر دوبروۆينسكي Facebook پاراقشاسىندا جازدى.
2017 -جىلدىڭ قىركۇيەگىندە رەسەي شاحمات فەدەراتسياسىنىڭ جاتتىقتىرۋشىسى سولوجەنكين ءبيبىساراعا ماڭىزدى جارىس كەزىندە ويىندا تەلەفون پايدالاندى، دارەتحانعا شىعىپ گروسسمەيستەرلەردىڭ بىرىمەن سويلەسىپ، كومەك الدى دەگەن ايىپ تاعىپ، ماقالا جاريالاعان.
ادۆوكات شاحماتشىمەن بولعان داۋدىڭ باسىنان اياعىنا دەيىن ءتۇسىندىرىپ جازعان.
«رەسەي شاحمات فەدەراتسياسىنىڭ جاتتىقتىرۋشىسى جانە جاس شاحماتشى ليزا سولوجەنكيناانىڭ اكەسى سولوجەنكين ە. ا شاحمات جۇلدىزىنا اينالىپ بارا جاتقان ءبيبىسارانى بايقاپ، ءوزىنىڭ قىزىن تانىمال ەتكىسى كەلدى. سول ءۇشىن ول ءبيبىساراعا قارسى ايلا ويلاپ تاپتى.
وتكەن جىلى كۇزدە الەم چەمپيوناتىنان كەيىن سولوجەنكين ماقالا جاريالادى. وندا ءبيبىسارا اساۋبايەۆا رەسەيدىڭ اتىنان شىعىپ الىپ، جارىستا قىلمىس جاسادى دەپ جازعان. ەلەكتروندى كومەك الىپ، گروسسمەيستەرلەردىڭ بىرىمەن تەلەفون ارقىلى سويلەستى دەگەن»، - دەپ جازعان ادۆوكات.
ونىڭ ايتۋىنشا، جارىستى ۇيىمداستىرۋشىلار ەشقانداي قۇقىق بۇزۋشىلىق كورمەگەن.
«جارىسقا مەتالدى قۇرالدار الىپ كىرۋ مۇمكىن ەمەس. ويىن الدىندا ونى مۇقيات تەكسەردى. مۇنداي جاعدايدا بالا ەمەس ەرەسەك ادامنىڭ جۇيكەسى شىداي المايدى. قاتتى قىسىم كورسەتىلگەن ويىندا ءبيبىسارا ەكىنشى ورىن الىپ قالدى. سوندا دا رەيتينگتە ليزا سولوجەنكينانى باسىپ وزدى. وسىدان كەيىن داۋ ۋشىعا ءتۇستى»، - دەدى ول.
وسى داۋدان كەيىن اساۋبايەۆاعا ا ق ش- تىڭ اتىنان ويناۋعا ۇسىنىستار تۇسە باستادى. ءبىراق، قىزدىڭ اتا-اناسى رەسەيدە قالىپ، داۋدى سوڭىنا دەيىن اپارۋدى ءجون سانادى.
ادۆوكاتتىڭ جازۋىنشا، 2018 -جىلدىڭ 25 -قاڭتارىندا تالاپ ارىز بەرىلگەن. ءبيبىسارا اساۋبايەۆا رەسەيدە قالعان. وسى ىسكە قاتىستى بارلىق شىعىندى زاڭگەر مارينا دۋبروۆسكايا مەن ادۆوكات الەكساندر دوبروۆينسكي ءوز مىندەتتەرىنە الدى.
