زارينا وماروۆا اتا-اناسى اجىراسقاننان كەيىن كورگەن قيىندىعىن ايتتى

استانا. قازاقپارات - ​ءانشى زارينا وماروۆا بالالىق شاعىندا پسيحولوگيالىق سوققىنى باستان وتكەرگەن.

ويتكەنى اتا-اناسى توعىز جاسىندا اجىراسىپ، بولەك كەتكەن. ءبىراق اكەسى مارات وماروۆ بالالارىمەن بايلانىستى ۇزبەگەن. ءانشى «باقىتتى ايەل» باعدارلاماسىندا بالالىق شاعىندا شەشەسى ەكەۋىنىڭ قالاي قينالعاندارى تۋرالى ايتتى.

«بالا كەزىمدە از قيىنشىلىق كورمەدىم. جۇرتقا بەلگىلى شىعار، اتا-انام بولەك تۇرادى. ول دا ءبىر بالاعا اۋىر ءتيدى. وسە كەلە ومىردە باسقا دا قيىنشىلىقتار كورەدى. ادام سولاردىڭ ءبارىن كورىپ وسەدى ەكەن، اقىل توقتاتادى. ومىرگە باسقا قىرىڭمەن قارايدى ەكەنسىڭ. سونىڭ ءبارىن جەڭىپ، توتەپ بەردىم دەسەم بولادى. ارينە، وڭاي بولعان جوق. ومىردە ءبارى بولادى. ءومىردىڭ اشىسى، تۇشىسى بار. ءبىز بالا بولعاندا وندايعا جاۋاپ بەرمەۋ كەرەكپىز. بارلىعىن، بۇكىل الەمدى كەشىرەمىن. بۇل قيىنشىلىقتار مەن ءۇشىن ساباق بولدى. ول كەزدە مەن بولاشاق انامىن، بولاشاق جارمىن. سودان ساباق الىپ، جاي عانا ۇرىس-كەرىستەرگە ءمان بەرمەيدى ەكەنسىڭ. سول سەبەپتى كەشىرەمىن. ويتكەنى مەنىڭ ارداقتى اكەم، اسىل انام بار. ارينە، انامدى قاتتى جاقسى كورەمىن. انام ءبىراز قيىنشىلىق كوردى. ۇشەۋمىزدى قاناتتىعا قاقتىرماي، تۇمسىقتىعا شوقتىرماي باقتى» - دەگەن ءانشى ءوزىنىڭ وتباسىلىق ءومىرىن دە تىلگە تيەك ەتتى.

«وتباسى بولعان سوڭ ءبارى دە بولادى. مەنىڭ دە وتباسىمدا ءبارى كۇشتى بولىپ كەتكەن جوق. ۇرىس تا، كەرىس تە بولدى. ءبىراق بارىنە شىداۋ كەرەك. نە بولسا دا وتباسىن ساقتاۋ كەرەك. ارينە، مۇنى ەر ازاماتتارعا ءتۇسىندىرۋ قيىنداۋ. سەن باپتا، سەن ساقتا دەپ ايتا المايسىڭ. ايەل ادام بولعان سوڭ اقىلعا سالۋىڭ كەرەك. ەڭ باستىسى، سىيلاستىق. ول بولعان جەردە ماحاببات تا، باسقاسى دا بولادى» - دەيدى زارينا.

 

دەرەككوز: Reactor