ا ق ش پرەزيدەنتى ءوز اكىمشىلىگىنىڭ باستى جەتىستىكتەرىن جاريالادى
ترامپ ءوز اكىمشىلىگىنىڭ اياقتالعان جىلداعى باستى جەتىستىكتەرى رەتىندە رەسپۋبليكاشىلدار ۇسىنعان سالىق سالۋدى تومەندەتۋ تۋرالى زاڭ جوباسىن، دەنساۋلىق ساقتاۋ سالاسىنداعى رەفورمانى، سونداي-اق د ا ي ش- كە قارسى كۇرەستەگى جەتىستىكتەردى اتادى.
اق ءۇي باسشىسى پرەزيدەنتتىك مەرزىمىنىڭ ەكىنشى جىلىندا يمميگراتسيا جانە ينفراقۇرىلىم سەكىلدى وزەكتى ماسەلەلەر جونىندە دەموكراتتارمەن ىمىراعا كەلۋگە ءازىر ەكەنىن ايتتى.
ترامپ ەڭبەككە جەگىلگەن بالالارعا، سونداي-اق امەريكادا بۇرىن ۇمىت بولعان قاۋىمدارعا ادالدىعى مەن ايانىشىن ءبىلدىرىپ، ۇنەمى قامقور بولاتىنىن ايتتى.
ا ق ش پرەزيدەنتى سولتۇستىك كورەيانىڭ يادرولىق قارۋ ماسەلەسىندەگى جاۋاپسىزدىعى جۋىق ارادا قۇراما شتاتتارعا قاۋىپ ءتوندىرۋى مۇمكىن ەكەنىن، الايدا قازىرگى اكىمشىلىك وعان جول بەرمەۋدىڭ بار امالىن قاراستىراتىنىن تىلگە تيەك ەتتى.
لاڭكەستىككە قارسى كۇرەس جايلى ايتا كەلە، دونالد ترامپ ا ق ش قورعانىس ءمينيسترى دجەيمس مەتتيسكە لاڭكەستەرگە قاتىستى ۇستاۋ ساياساتىن قايتا قاراۋدى جانە گۋانتاناموداعى بازانى جاپپاۋدى تاپسىرعانىن مالىمدەدى.
اق ءۇي باسشىسى ەكى پارتيانى دا ينفراقۇرىلىم جوبالارى سالاسىندا ىنتىماقتاستىق ەتۋگە شاقىردى.
«ءبىز امەريكانىڭ ەڭ گۇلدەنگەن كەزەڭىندەمىز. امەريكا ارمانىمەن ءومىر سۇرە باستاۋ ءۇشىن بۇعان دەيىن قولايلى كەزەڭ بولعان ەمەس. امەريكالىقتار ەندى وزدەرىنە، اقش- قا سەنىپ، قارىمدى ەڭبەك ەتسە، قالاۋىنشا ءومىر سۇرە الادى»، - دەدى ول.
سەيسەنبى كۇنى ەلدىڭ الدىڭعى قاتارلى تەلەجۋرناليستەرىمەن سۇحبات كەزىندە ترامپ پرەزيدەنت ورىنتاعىنداعى باستى ۇمتىلىسى امەريكا حالقىنىڭ بىرلىگىنە قول جەتكىزۋ ەكەنىن ايتقان بولاتىن.
