ادام اعزاسىنىڭ قاجەتتى جەرىنە ءدارى جەتكىزەتىن شاعىن روبوت جاسالدى

استانا. قازاقپارات - نەيىس عالىمدارى ادام اعزاسىنىڭ قاجەتتى جەرىنە ءدارىنى جەتكىزەتىن شاعىن روبوت جاساپ شىعاردى.

بۇل ەرەكشە قۇرىلعى تۋرالى جاڭالىقتى Spiegel online اقپارات كوزى تاراتتى. شتۋتگارت قالاسىندا ورىن تەپكەن ماكس پلانك قاۋىمداستىعىنىڭ ينتەللەكتۋالدىق جۇيە ينستيتۋتىنىڭ زەرتتەۋشىلەرى ايتقانداي، اتالمىش ميني قۇرىلعى جىلجىپ قانا قويماي، سەكىرە دە، جۇزە دە الادى.

بۇل شاعىن روبوتتاردىڭ كولەمى 4 ميليمەتردەن اسپايدى. ولار قاعاز پاراعى سەكىلدى تەپ-تەگىس، ياعني، جۇمىر كەلەدى، ەلاستيكالىق پوليمەردەن جاسالعان. بۇل روبوت وزگە روبوتتارعا قاراعاندا الدەقايدا يكەمدى، جىلدام. بۇعان قوسا، بۇل قۇرىلعى وبەكتىنىڭ ورنىن اۋىستىرۋعا، كەرەكتى جەرىنە جەتكىزۋگە بەيىم.

فيزيكالىق ينتەللەكتى ءبولىمىنىڭ ديرەكتورى مەتين سيتتي ونى اعزاعا پاتسيەنتتىڭ جۇتۋىمەن نەمەسە پاتسيەنتتىڭ تەرىسىنەن ءسال ساڭىلاۋلاپ تىلگەن تىلىكتەن ەنگىزۋگە بولاتىنىن جەتكىزدى. عالىمدار مۇنداي ەرەكشە روبوتتى مەدۋزانىڭ، قازدىڭ جانە قوڭىز ليچينكالارىنىڭ قيمىل-قوزعالىسىنا قاراپ وتىرىپ جاساعان. سىرتتاي باسقارۋعا بولادى. ماگنيتتى جولمەن. قاجەت كەزىندە ونى ادام اعزاسىنىڭ كەرەكتى جەرىنە باعىتتاي الۋى مۇمكىن.

 

islam.kz