قىتاي زامانۋي ۋلترا-اسكەر قۇرۋعا كىرىستى
بۇل جايىندا South China Morning Post اقپارات كوزى اتالعان ەلدىڭ مەملەكەتتىك بۇقارالىق اقپارات قۇرالدارىنا سىلتەمە جاساي وتىرىپ، حابار تاراتتى.
بەلگىلى بولعانداي، قىتايدىڭ حالىق ازاتتىق ارمياسى ءوز ءىسىنىڭ مايىن ءىشىپ، جىلىگىن شاققان مامانداردى قىتايدىڭ اسكەري عىلىمدارى اكادەمياسىنا جۇمىسقا العان. زەرتتەۋشىلەردىڭ 95 پايىزىنان كوبىسىنىڭ ارنايى عىلىمي دارەجەسى بار؛ ولاردىڭ دەنى كۆانتتىق تەحنولوگيانى مەڭگەرىپ، جاساندى ينتەللەكتىنى يگەرگەن.
قىتاي بيلىگى مۇنداي ستراتەگيالىق ماڭىزى زور قادامعا ا ق ش- تىڭ ارىنىن باسۋ ءۇشىن ءارى رەسۋرس ءۇشىن كۇرەستە ءوز مۇددەسىن قورعاۋ ءۇشىن بارىپ وتىر. ەستەرىڭىزدە بولسا، وسىدان ەكى- ءۇش جىل بۇرىن، دالىرەگى، 2015 -جىلى اسكەري پارادتا قىتاي بيلىگى قارۋلى كۇشتەر ساپىنان 300 مىڭ ادامدى قىسقارتىپ، ونىڭ ورنىنا الدەقايدا شاپشاڭ ارەكەت ەتەتىن ءارى ءتيىمدى اسكەر قۇرۋعا نيەتتى ەكەنىن مالىمدەگەن بولاتىن.
دەسە دە قىتاي اسكەرى الەمدەگى ەڭ ءىرى اسكەر بولىپ قالا بەرەدى. قىتاي اسكەرىندە شامامەن 2,3 ميلليون سارباز بار. بۇل كورسەتكىش حالىقتىڭ سانىنا شاققاندا %0,18 دى قۇرايدى.
دەرەككوز: islam.kz
