قازاق ارۋى بيىلدان باستاپ حالىقارالىق بايقاۋعا اينالادى - بايان ماقسات قىزى

استانا. قازاقپارات - «قازاق ارۋى» بيىلدان باستاپ حالىقارالىق بايقاۋ اينالادى، دەپ ءمالىم ەتتى بايقاۋدى ۇيىمداستىرۋشى، پروديۋسەر بايان ماقسات قىزى.

«قازاق ارۋى-2018» بايقاۋىنا بيىل بەس مەملەكەت قاتىسادى»، دەپ جازدى بايان الاگوزوۆا ينستاگرامداعى پاراقشاسىندا.

ونىڭ ايتۋىنشا، جىل سايىن ناۋرىز مەرەكەسى قارساڭىندا ۇيىمداستىرىلاتىن ارۋلار بايقاۋىنا تۇركيا، موڭعوليا، رەسەي، وزبەكستان جانە قىرعىزستاندا تۇراتىن قازاق قىزدارى قاتىسا الادى.

پروديۋسەردىڭ ايتۋىنشا، قازاقستان بويىنشا كاستينگ 5-6 -اقپان كۇندەرى 10:00-18:00 ارالىعىندا الماتى قالاسىندا وتەدى.

«جاسىڭىز 16-22، بويىڭىز 170 س م، سالماعىڭىز 53 ك گ- گە دەيىن بولسا، قازاق ءتىلىن ەركىن مەڭگەرىپ، تاريح، مادەنيەت، سالت-ءداستۇردى بىلسەڭىز، سىمباتى مەن ءسانىڭىز، ونەر مەن دارىنىڭىز كەلىسسە بايقاۋعا كەلىڭىز»، - دەپ جازدى ول.

«قازاق ارۋى» بيىل سەگىزىنشى رەت وتكىزىلەدى. ەسكە سالا كەتسەك، بىلتىرعى 2017 -جىلعى بايقاۋدا نۇرگۇل اسانوۆا «قازاق ارۋى» جەڭىمپازى اتانعان بولاتىن.