جالقاۋ پوچتاشىنىڭ ۇيىنەن جارتى توننا حات تابىلدى

ول ءتيىستى مەكەن- جايلارعا جەتكىزىلۋى كەرەك حاتتاردى سەگىز جىل بويى تاسىمالداماي، ۇيىندە ساقتاپ كەلگەن. بۇل تۋرالى The Independent باسىلىمىندا حابارلاندى.

العاش بولىپ قورشاعان ورتانى قورعاۋ ورتالىعىنىڭ ەرىكتىلەرى دابىل قاققان. ولار قوقىس قاعازى رەتىندە كەلگەن يتاليا پوشتاسىنىڭ ءمورى باسىلعان، ءتىپتى اشىلماعان 25 سارى قوراپتى العان. قوراپتىڭ ىشىنەن 56 جاستاعى پوشتاشىنىڭ وسى ۋاقىتقا دەيىن جىبەرمەگەن حاتتارى تابىلدى.

حاتتاردىڭ اراسىندا بانك حابارلامالارى، جارنامالىق ونىمدەر، انىقتامالار، شوتتار، سونداي-اق كوممەرتسيالىق حات- حابارلار دا بولعان. ولاردىڭ اراسىندا جەكە حاتتار بولماعان.

پوليتسيا بولىمشەسى قانشا جىل وتسە دە، تابىلعان بارلىق حاتتاردى ءتيىستى مەكەن-جايعا جىبەرەتىندەرىن ايتتى.