ءۇش ءسابيدى قۇتقارعان ستۋدەنت: قورقۋعا ۋاقىت بولعان جوق

26 - قاڭتار كۇنى سەمەيدەگى قۇرىلىس كوللەدجىنە تيەسىلى جاتاقحانانىڭ بەسىنشى قاباتىندا ەلەكتر ەسەپتەۋىش پەن اۆتومات تۇرعان قالقاننان ءورت شىققان. 4-كۋرس ستۋدەنتى جاسۇلان بەرەكەيەۆ وسى جاتاقحانانىڭ ءتورتىنشى قاباتىندا تۇرادى. ۇستىڭگى قاباتتان جىلاعان بالانىڭ داۋسىن ەستىگەن ول قۇتقارۋشىلاردىڭ كەلۋىن كۇتپەستەن، ءوز بەتىمەن ارەكەتكە كوشكەن. بالانى ءۇشىنشى قاباتتا تۇرعان ەرەسەكتەرگە تاپسىرا سالىپ، ۇستىڭگى قاباتتىڭ باسقا بولمەلەرىن دە تەكسەرىپ شىقپاق بولادى. سونىڭ ناتيجەسىندە تاعى ەكى بالانى اجال اۋزىنان الىپ قالعان.

«بالالاردىڭ بەتىن كۇرتكەمەن بۇركەدىم دە، تومەنگە ءتۇستىم. ءبارى قاس قاعىمدا ءوتتى. قورقۋعا ۋاقىت بولعان جوق»، - دەيى 21 جاستاعى جىگىت.

ءورت سوندىرۋشىلەر كەلگەنشە جاتاقحانا تۇرعىندارى قىزىل جالىنمەن ءوز بەتتەرىنشە ارپالىسىپتى. وسىنىڭ ارقاسىندا ءتىلسىز جاۋ باسقا قاباتتارعا تاراپ ۇلگەرمەگەن.

قازىر جاسۇلان بەرەكەيەۆ قۇتقارعان ءۇش بالا دا ءدىن امان. كوللەدج باسشىلىعى ستۋدەنتتى كورسەتكەن ەرلىگى ءۇشىن ماراپاتتايتىن بولدى.

اۆتور: ەسىمجان ناقتىباي