الماتى وبلىسىنداعى اۋىل رەسەيگە شۇبات ەكسپورتتاپ وتىر

سايت مالىمەتتەرىنە قاراعاندا، الماتى وبلىسىنىڭ ىلە اۋدانىنا قاراستى كۇرتى اۋىلدىق وكرۋگىندە شۇبات ءوندىرىسى كەزەڭىمەن دامىپ كەلەدى. ماسەلەن، اقشي اۋىلىنداعى ءسۇت وڭدەۋ سەحىندا جىلىنا 3 جارىم مىڭ توننا شۇبات وندىرىلەدى. دەرتكە داۋا، جانعا شيپا بولعان قازاقتىڭ ۇلتتىق سۋسىنى وسى جەردەن ەلىمىزدىڭ تۇكپىر-تۇكپىرىنە تارايدى. سونىمەن قاتار بۇل كاسىپورىن كورشىلەس رەسەيگە دە جىلىنا 15-20 تونناداي شۇبات ەكسپورتتاپ وتىر.

كۇرتى اۋىلدىق وكرۋگىندەگى ويسىل قارا تۇقىمىنىڭ سانى 4 مىڭ باسقا جەتىپ قالدى. سونىڭ تەڭ جارتىسى انالىق مال. قىس قاتتى بولعاندىقتان، بۋاز تۇيەلەر قازىر قىستاقتا تۇر. ولار ون شاقتى مال قىستاتۋ ورتالىعىنا بولىنگەن. ازىرگە جەم-ءشوپ جەتكىلىكتى، قىستان قىسىلماي شىعۋىمىز كەرەك، دەپ وتىر مالشىلار.

«530 باس تۇيە بار وسى جەردە. تۇقىم الامىز وسىندا. قار بولعاننان كەيىن ورىسكە شىقپاي جاتىر قازىر. ءشوپ سالىپ، قورادا ۇستاپ وتىرمىز. جەتكىلىكتى جەم-ءشوبى»، - دەيدى تۇيەشى سۇلتانبەك قاليبەكوۆ.

ەلىمىز تاۋەلسىزدىك العان جىلى جەكە كاسىبىن 4-5 ويسىل قارا تۇقىمىمەن باستاعان سىدىق داۋلەتوۆتىڭ شارۋاشىلىعىنداعى تۇيە سانى وتكەن جىلى 5 مىڭعا جەتكەن ەدى. سونىڭ مىڭ باسى ەتكە كەتتى. سەبەبى ۇكىمەت شۇباتتىڭ ليترىنە 55، ال تۇيە ەتىنىڭ ءار كەلىسىنە 90 تەڭگەدەن سۋبسيديا بەرىپ وتىر. ىشكى نارىقتى ەمدىك قاسيەتى مول، شيپالى سۋسىنمەن شاما- شارقىنشا قامتىعان كاسىپكەر كورشىلەس رەسەيگە دە جىلىنا 15-20 توننا شۇبات ەكسپورتتايدى.