الەمدەگى ەڭ دىنگە بەرىك ەل قايسى؟
استانا. قازاقپارات - بريتانيالىق Telegraph باسىلىمى ساۋالناما جۇرگىزۋ ارقىلى الەم ەلدەرىنىڭ ءدىني كارتاسىن سىزىپ، ەڭ دىنگە بەرىك حالىقتى انىقتادى دەپ حابارلايدى Islam.kz سايتى.
اتالمىش كارتا 2008، 2009 جانە 2015-جىلدارى بىرنەشە رەت جۇرگىزىلگەن ساۋالنامالاردىڭ ناتيجەسىنە قاراي سىزىلعان. ساۋالناماعا قاتىسقاندارعا «ءوزىڭىزدى ءدىندارمىن دەپ ەسەپتەيسىز بە؟» دەگەن ءبىر عانا ساۋال قويىلادى.
بەلگىلى بولعانداي، ەڭ ءدىندار ەلدەر افريكا مەن تاياۋ شىعىستا بولىپ شىقتى. ودان كەيىن وڭتۇستىك-شىعىس ازيا مەن لاتىن امەريكا ەلدەرى دە قالىسپاعان. مۇسىلماندارمەن قاتار حريستياندار تۇراتىن ەفيوپيا بۇل تىزىمدە كوش باستاپ تۇر.
اتالعان ەلدە ساۋالناماعا قاتىسقانداردىڭ 99 پايىزى ءوزىن ءدىندارلاردىڭ قاتارىنا جاتقىزعان. سونداي-اق، مالابي، نيگەر، شري-لانكي جانە يەمەن ەكىنشى ورىننان كورىنگەن. سوماليدەگى ءدىندارلار قاراسى - 98 پايىز، اۋعانستاندا - 97 پايىز.
ال ەۋروپالىقتاردىڭ دەنى وزدەرىن اتەيست ساناعان. تەك پولشا عانا ءدىندارلىعى بويىنشا كارى قۇرلىقتا الدىڭعى ورىننان كورىنگەن. ەل تۇرعىندارىنىڭ 86 پايىزى ءوزىن ءدىندار سانايدى. يتاليادا بۇل كورسەتكىش - 74 پايىز ، گرەكيادا - 71 پايىز. جاپونيادا - 13 پايىز. ەستونيا - 16 پايىز ، شۆەتسيا (19 پايىز) ، نورۆەگيا (21 پايىز) جانە چەحيا (23 پايىز) .
ال قىتايعا كەلسەك، ميللياردتاعان تۇرعىنداردىڭ 7 پايىزى عانا ءوزىن ءدىندار ساناعان. ال رەسەي فەدەراتسياسىندا 70 پايىز ، ا ق ش - 56 پايىز.
