شىعىس قازاقستاننىڭ كەيبىر اۋداندارىندا قاسقىر كوبەيىپ كەتكەن

ماماندار وڭىردەگى «يتقۇس» پوپۋلياتسياسىن 50 پايىزعا دەيىن ازايتۋ قاجەت دەپ ەسەپتەيدى.

قىس قاھارىنا مىنگەن سايىن قاسقىرلاردىڭ مالعا شابۋىلى جيىلەپ وتىر. اسىرەسە كاتونقاراعاي، ۇلان جانە تارباعاتاي اۋدانىننىڭ حالقى قاسقىر شابۋىلىنىڭ جيىلەگەنىن ايتىپ شاعىمدانۋدا.

«قاسقىرلاردىڭ پوپۋلياتسياسىنا ارالاسىپ وتىرعانىمىز ءبىر بۇل ەمەس. جىل سايىن وسىلاي ەسەپ جۇرگىزىپ، ناتيجەسىنە قاراي اۋلاۋ شارالارىن قارجىلاندىرامىز. بيىل كاتونقاراعاي جانە ۇلان اۋدانىندا قاسقىر كوبەيىپ تۇر. تۇرعىندار كۇن سايىن تەلەفون شالىپ، دابىل قاعۋدا. سوندىقتان بيىل ولاردىڭ سانىن 50 پايىزعا ازايتۋ قاجەت دەپ شەشتىك»، - دەيدى وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باسشىسى ارمان ەسەنتايەۆ.

قاسقىر اتۋ ناۋقانىنا جەكە جانە زاڭدى تۇلعالار سىياقى تولەۋ ارقىلى تارتىلماق. باسقارما وكىلدەرى ەرەسەك قاسقىردىڭ بىرەۋى ءۇشىن 12 000 تەڭگە، بولتىرىك ءۇشىن 6000 تولەۋگە ۋادە بەرىپ وتىر.

باسقارمانىڭ مالىمەتىنە سەنسەك، وتكەن جىلدىڭ سوڭعى ءۇش ايىندا-اق اۋىل تۇرعىندارى 358 قاسقىردىڭ تەرىسىن وتكىزىپتى. كوكتەم شىققانشا تاعى 500-دەي قاسقىر اۋلانۋى ءتيىس دەگەن جوسپار بار.

ەسىمجان ناقتىباي ۇلى